எல்.ஐ.சி. பங்குகள் விற்பனை பங்குச்சந்தைகளில் தொடக்கம்! 

எல்.ஐ.சி. பங்குகள் 8% சரிவுடன் விற்பனைக்கு வந்ததால், அதிக லாபம் கிடைக்கும் என்று எதிர்பார்த்த முதலீட்டாளர்கள் ஏமாற்றம் அடைந்தனர். 

இந்தியாவின் மிகப்பெரிய பொதுத்துறை நிறுவனமான எல்.ஐ.சி.யில் 3.5% பங்குகளை மத்திய அரசு விற்பனை செய்துள்ளது. ஐபிஓ எனப்படும் ஆரம்ப பங்கு வெளியீடு முறையில் பங்கு விற்பனை நடந்து முடிந்துள்ளது. இதன் தொடர்ச்சியாக, இன்று (17/05/2022) முதல் எல்.ஐ.சி. நிறுவன பங்குகள் பங்குச்சந்தைகளில் விற்பனைக்கு வந்துள்ளன. 

மும்பை பங்குச்சந்தை வர்த்தக தொடக்கத்தில் மணியடித்து, பங்குகள் விற்பனை தொடங்கப்பட்டது. மும்பை பங்குச்சந்தையில் பங்கு ஒன்றின் விலை 867 ரூபாய்க்கு தொடங்கியது. இது வெளியீட்டு விலையை விட 8.62% குறைவாகும்.