காஷ்மீரில் 3 தீவிரவாதிகள் சுட்டுக் கொலை: இரு ராணுவ வீரர்கள் உயிரிழப்பு

Published on 13/08/2017 | Edited on 13/08/2017

காஷ்மீரில் 3 தீவிரவாதிகள் சுட்டுக் கொலை: இரு ராணுவ வீரர்கள் உயிரிழப்பு

காஷ்மீர் மாநிலத்தின் சோபியான் மாவட்டத்தில் தீவிரவாதிகளுக்கும் பாதுகாப்பு படையினருக்கும் இடையே கடும் துப்பாக்கிச் சூடு நடைபெற்றது. இதில் மூன்று தீவிரவாதிகள் சுட்டுக் கொல்லப்பட்டனர். காஷ்மீரின் சோபியான் பகுதியில் துப்பாக்கிச் சண்டை - 3 தீவிரவாதிகள் கொல்லப்பட்டனர். முன்னதாக இந்த மோதலில் இரு ராணுவ வீரர்கள் உயிரிழந்தனர். மூன்று வீரர்கள் படுக்காயமடைந்தனர்.

இந்நிலையில், சோபியன் மாவட்டத்தின் ஜைனாபோரா பகுதியில் உள்ள அவ்னீரா கிராமத்தில் தீவிரவாதிகள் பதுங்கி இருப்பதாக பாதுகாப்பு படையினருக்கு தகவல் கிடைத்தது. இதனையடுத்து பாதுகாப்பு படையினர் மற்றும் போலீசார் இணைந்து அந்த பகுதியில் தேடுதல் வேட்டையில் ஈடுபட்டனர்.

அப்போது, தேடுதல் பணியில் ஈடுபட்ட பாதுகாப்பு படையினர் மீது தீவிரவாதிகள் திடீரென துப்பாக்கிச் சூடு நடத்தினர். இதற்கு, பாதுகாப்பு படையினரும் பதில் தாக்குதல் நடத்தினர். இதனால் இருதரப்பினருக்கும் இடையே கடும் துப்பாக்கிச் சண்டை நடைபெற்றது.