Skip to main content

திருநங்கை விஜய் சேதுபதி...! வெளியான பர்ஸ்ட் லுக் 

Published on 08/10/2018 | Edited on 08/10/2018
super deluxe

 

 

 

செக்கச்சிவந்த வானம், 96 உட்பட அடுத்தடுத்து வெற்றி படங்கள் கொடுத்து வெற்றி நாயகனாக வலம் வந்துகொண்டிருக்கும் விஜய் சேதுபதி நடிப்பில் அடுத்ததாக சூப்பர் டீலக்ஸ், சீதக்காதி, பேட்ட, சாயீரா நரசிம்ம ரெட்டி ஆகிய படங்கள் வெளிவர இருக்கிறது. இதில் ஷில்பா என்ற திருநங்கை கதாபாத்திரத்தில் நடிக்கும் 'சூப்பர் டீலக்ஸ்' படத்தை 'ஆரண்யகாண்டம்' பட இயக்குனர் தியாகராஜா குமார ராஜா இயக்கியுள்ளார். மேலும் நாயகியாக சமந்தா நடிக்க, முக்கிய கதாபாத்திரத்தில் பாஹத் பாசில், ரம்யா கிருஷ்ணன், மிஷ்கின், காயத்திரி ஆகியோர் நடித்துள்ளனர். இந்நிலையில் ஈஸ்ட் வெஸ்ட் டிரீம் ஒர்க்ஸ் மற்றும் ஆல்கெமி விஷன் ஒர்க்ஸ் இணைந்து தயாரிக்கும் இப்படத்தின் பர்ஸ்ட் லுக் போஸ்டர் தற்போது வெளியாகியுள்ளது. யுவன் ஷங்கர் ராஜா இசையமைத்துள்ள இப்படத்தின் திரைக்கதையை தியாகராஜா குமார ராஜா, மிஷ்கின், நலன் குமாரசாமி, நீலன் கே சேகர் இணைந்து தயாரித்துள்ளனர்.
 

 

சார்ந்த செய்திகள்

Next Story

சூப்பர் டீலக்ஸ் இயக்குநருக்கு நன்றி தெரிவித்த விஜய் சேதுபதி

Published on 29/03/2022 | Edited on 29/03/2022

 

Vijay Sethupathi thanks Super Deluxe Director

 

விஜய் சேதுபதி, பகத் பாசில், மிஷ்கின், சமந்தா, ரம்யா கிருஷ்ணன் உள்ளிட்ட பலர் நடிப்பில் 2019-ஆம் ஆண்டு வெளியான படம் 'சூப்பர் டீலக்ஸ்'. மிகுந்த எதிர்பார்ப்புடன் வெளியான இப்படம் ரசிகர்களிடையே நல்ல வரவேற்பை பெற்றது. திரை விமர்சகர்களாலும் பாராட்டப்பெற்றது. 8 ஆண்டுகளுக்கு பிறகு இப்படத்தை தியாகராஜன் குமாரராஜா இயக்கியிருந்தார். யுவன் ஷங்கர் ராஜா இசையமைத்திருந்தார்.

 

விஜய் சேதுபதிக்கு முதல் தேசிய விருது வாங்கி கொடுத்த கதாபாத்திரமாக 'ஷில்பா' கதாபாத்திரம் அமைந்திருந்தது. அதில் திருநங்கையாக தனது அசத்தலான நடிப்பை வெளிப்படுத்தியிருப்பார்.

Vijay Sethupathi thanks Super Deluxe Director

இந்நிலையில் இப்படம் வெளியாகி இன்றுடன் (29/03/2022) மூன்று ஆண்டுகள் நிறைவடைகிறது. அதை ரசிகர்கள் சமூக வலைதளங்களில் கொண்டாடி வருகின்றனர். இதை நினைவுகூரும் விதமாக தன்னுடைய ட்விட்டர் பக்கத்தில் போஸ்டர் ஒன்றை பகிர்ந்துள்ள விஜய் சேதுபதி, இயக்குநர் தியாகராஜன் குமாரராஜாவிற்கு நன்றி தெரிவித்துள்ளார்.

 

Next Story

தேசிய விருதுடன் இயக்குநரை சந்தித்த விஜய் சேதுபதி!

Published on 01/11/2021 | Edited on 01/11/2021

 

vijay sethupathi meet director thiyagarajan kumararaja

 

டெல்லியில் நடைபெற்ற 67வது தேசிய திரைப்பட விழாவில், 2019ஆம் ஆண்டு சினிமா துறையில் சிறந்து விளங்கியவர்களுக்கு விருது வழங்கப்பட்டது. இதில், சிறந்த துணை நடிகருக்கான விருது, 'சூப்பர் டீலக்ஸ்' படத்தில் திருநங்கையாக நடித்ததற்காக விஜய் சேதுபதிக்கு வழங்கப்பட்டது. மேலும் தனுஷ், பார்த்திபன், டி. இமான், வெற்றி மாறன், நாகா விஷால் ஆகியோருக்கும் தேசிய விருதுகள் வழங்கப்பட்டன.

 

இதனைத் தொடர்ந்து, சென்னை வந்த கையோடு நடிகர் விஜய் சேதுபதி இயக்குநர் தியாகராஜன் குமாரராஜாவை நேரில் சந்தித்து நன்றி தெரிவித்தார். இது தொடர்பான வீடியோ ஒன்றை தனது ட்விட்டர் பக்கத்தில் விஜய் சேதுபதி பகிர்ந்துள்ளார். அதில், தேசிய விருது கடிதத்தை இயக்குநர் தியாகராஜன் குமாரராஜா படிக்கிறார். பின்னர் இயக்குநர் கைகளால் நடிகர் விஜய் சேதுபதிக்கு விருது அணிவிக்கப்படுகிறது. அதனையடுத்து 'எனது படத்தின் மூலம் விஜய் சேதுபதிக்கு விருது கிடைத்தது மகிழ்ச்சி' என இயக்குநர் தியாகராஜன் குமாரராஜா தெரிவித்துள்ளார். பின்னர் படக்குழுவினர் அனைவரும் நடிகர் விஜய் சேதுபதிக்கு நன்றி கூறுகின்றனர். தற்போது இந்த வீடியோ இணையத்தில் வைரலாகிவருகிறது.