பிரதமர் மோடி நாளை காலை சென்னையில் நடக்க இருக்கும் அரசு நிகழ்ச்சிகளில் பங்கேற்க உள்ளார்.
அதில் உள்நாட்டிலேயே தயாரிக்கப்பட்டுள்ள ‘அர்ஜூன்’ எனப் பெயரிடப்பட்ட பீரங்கியை ராணுவத்திடம் ஒப்படைக்கும் நிகழ்ச்சியிலும், வட சென்னை - விமான நிலையம் மெட்ரோ சேவையைத் துவங்கி வைக்கும் நிகழ்ச்சியிலும், சென்னை கடற்கரை - அத்திப்பட்டு ரயில் நிலையங்ளுக்கு இடையே அமைக்கப்பட்டுள்ள, நான்காவது ரயில் தடத்தையும், மின் மயமாக்கப்பட்ட ரயில் பாதையைத் துவங்கும் நிகழ்ச்சி போன்ற திட்டங்களைத் துவக்கிவைக்கும் பல்வேறு நிகழ்ச்சியில் பங்கேற்க உள்ளார்.
இதற்கிடையே பிரதமரின் மோடி வருகைக்கு எதிர்ப்பு தெரிவிப்போர் #GoBackModi என்ற ஹேஷ்டேக்கை ட்ரெண்ட் செய்வது வழக்கம். அந்த வகையில், பிக்பாஸ் மூலம் பிரபலமடைந்த நடிகை ஓவியா, மோடி வருகைக்கு எதிர்ப்பு தெரிவிக்கும் விதமாக #GoBackModi என்ற ஹேஷ்டேக்கை ட்விட்டரில் பதிவிட்டுள்ளார். இது தற்போது ட்ரெண்டாகி வருகிறது.
