ஒருபக்கம் அரசியல், ஒருபக்கம் சினிமா என வலம் வந்துகொண்டிருக்கும் நடிகர் கமல்ஹாசன் அடுத்ததாக ஷங்கர் இயக்கும் 'இந்தியன் 2' படத்தில் நடிக்கவுள்ளது நாம் அனைவரும் அறிந்ததே. இந்நிலையில் கமல் இப்படத்தையடுத்து தேவர் மகன் படத்தின் இரண்டாம் பாகத்தில் நடித்து இயக்குவது பற்றி ஆலோசிப்பதாக சமீபத்தில் தகவல் கசிந்த நிலையில் தற்போது அதை கமல் உறுதி படுத்தும் விதமாக நேற்று ஒரு பிரபல தொலைக்காட்சிக்கு பேட்டியளித்த அவர் 'இந்தியன் 2' படத்திற்கு பிறகு தன் நடிப்பில் 'தேவர் மகன் 2' படம் உருவாகவுள்ளதாக அறிவித்துள்ளார். கமல்ஹாசன் - சிவாஜி கணேசன் இணைந்து நடித்த தேவர்மகன் படம் கடந்த 1992ஆம் ஆண்டு வெளியாகி மாபெரும் வெற்றிபெற்றது மட்டுமல்லாமல், தேசிய விருது உட்பட பல்வேறு விருதுகளை பெற்றது என்பது குறிப்பிடத்தக்கது.