சதமடித்த அனிருத்... மகிழ்ச்சியில் சிவகார்த்திகேயன்!

நெல்சன் திலீப்குமார் இயக்கத்தில் சிவகார்த்திகேயன் நடிப்பில் உருவாகியுள்ள படம் 'டாக்டர்'. இப்படத்தில் சிவகார்த்திகேயனுக்கு ஜோடியாக பிரியங்கா மோகன் நடித்துள்ளார். அனிருத் இசையமைத்துள்ளார். இப்படத்தை, கே.ஜே.ஆர். ஸ்டூடியோஸ் நிறுவனத்துடன் இணைந்து சிவகார்த்திகேயனின் எஸ்.கே.புரொடக்‌ஷன் தயாரிக்கிறது.

இப்படத்தில் இடம்பெற்றுள்ள 'செல்லம்மா' பாடல், கடந்த ஆண்டு ஜுலை மாதம் வெளியானது. ரசிகர்களிடையே நல்ல வரவேற்பைப் பெற்ற இப்பாடல், தற்போது யூ-டியூப் தளத்தில் 100 மில்லியன் பார்வையாளர்களால் கேட்டு ரசிக்கப்பட்டுள்ளது. இத்தகவலை நடிகர் சிவகார்த்திகேயன் தன்னுடைய ட்விட்டர் பக்கத்தில் தெரிவித்துள்ளார். இது குறித்து அவர் வெளியிட்டுள்ள பதிவில், 'அனிருத்திடம் இருந்து மற்றொரு சதம்' எனக் குறிப்பிட்டுள்ளார்.

Another century from our Rockstar @anirudhofficial 😎🥳 #100MForChellamma ♥️ - https://t.co/AX2NM3ITWr #DOCTORfromMarch26 #Doctor @Nelsondilpkumar @priyankaamohan @KVijayKartik @jonitamusic @SKProdOffl @KalaiArasu_ @kjr_studios @SonyMusicSouth pic.twitter.com/wwPpkJmHT8

— Sivakarthikeyan (@Siva_Kartikeyan) March 1, 2021

டாக்டர் திரைப்படம் இம்மாதம் 26-ஆம் தேதி வெளியாகவுள்ள நிலையில், செல்லம்மா பாடல் 100 மில்லியன் மைல்கல்லை தொட்டுள்ளதால் சிவகார்த்திகேயன் மிகுந்த மகிழ்ச்சியில் உள்ளாராம்.