டாஸ்மாக் விற்பனையாளரை தாக்கிய இரண்டு நபர்கள்!

திருச்சி பேரூர் பகுதியைச் சேர்ந்தவர் தர்மராஜ் (45). இவர் கீழமாங்காவனம் டாஸ்மாக் கடையில் விற்பனையாளராக பணியாற்றிவருகிறார். வழக்கம்போல பணியை முடித்துவிட்டு மாலை 6 மணிக்கு இருசக்கர வாகனத்தில் சென்றுள்ளார்.

அவரைப் பின்தொடர்ந்து வந்த 2 மர்ம நபர்கள் தர்மராஜின் டூவீலரைக் கீழே தள்ளி, அரிவாளால் வெட்டி அவரிடமிருந்த ரூ. 3 ஆயிரத்தைப் பறித்துச்சென்றனர். துவாக்குடி போலீசார் சம்பவ இடத்துக்கு விரைந்து சென்று, தர்மராஜை மீட்டு சிகிச்சைக்காக அருகில் உள்ள மருத்துவமனைக்கு அனுப்பிவைத்தனர். மேலும் வழக்குப் பதிவுசெய்து விசாரணை நடத்திவருகிறார்கள்.