தொடங்கியது போலியோ சொட்டு மருந்து முகாம்!

தமிழகத்தில் 43,500 மையங்களில் குழந்தைகளுக்கும் போலியோ சொட்டு மருந்து வழங்கும் முகாம் தற்போது தொடங்கியுள்ளது. காலை 7 மணிக்கு தொடங்கிய முகாம் மாலை 5 மணி வரை செயல்பட இருக்கிறது. 5 வயதுக்குட்பட்ட 57.65 லட்சம் குழந்தைகளுக்குப் போலியோ சொட்டு மருந்து வழங்க திட்டமிடப்பட்டுள்ளது. சென்னையில் மட்டும் 1,647 முகாம்களில் 5 வயதுக்குட்பட்ட குழந்தைகளுக்கு போலியோ சொட்டு மருந்து தரப்பட உள்ளது.

குழந்தைகளுக்கு வயிற்றுப்போக்கு போன்ற உடல் உபாதைகள், பிரச்சனைகள் இருந்தால் அடுத்த நாளில் சொட்டு மருந்து தரலாம் என பரிந்துரைக்கப்பட்டுள்ளது. அதேபோல் அண்டை மாநிலமான புதுச்சேரியில் 453 மையங்களில் 86,801 குழந்தைகளுக்கு போலியோ சொட்டு மருந்து அளிக்கப்பட உள்ளது.