"கட்சி வீணாவதை என்னால் பார்க்க முடியாது"- சசிகலாவின் மற்றொரு ஆடியோவால் பரபரப்பு?

தொண்டர் ஒருவரிடம் சசிகலா பேசியதாக மற்றொரு ஆடியோ வெளியாகிப் பரபரப்பை ஏற்படுத்தி உள்ளது.

அந்த ஆடியோவில், "ரொம்ப கஷ்டப்பட்டு வளர்த்தக் கட்சி வீணாவதை என்னால் பார்த்துக் கொண்டிருக்க முடியாது. நான் நிச்சயம் சீக்கிரம் வந்து விடுவேன்; அவர்கள் சண்டைப் போடுவது மனதுக்கு கஷ்டமாக உள்ளது. கரோனா தாக்கம் கொஞ்சம் குறைந்ததும் விரைவில் வந்து விடுவேன்; தைரியமாக இருங்கள்" என்று பேசியுள்ளார்.

அரசியலில் இருந்து ஒதுங்கிக் கொள்வதாக கடந்த மார்ச் 3- ஆம் தேதி சசிகலா அறிவித்திருந்த நிலையில், நேற்று (29/05/2021) அவர் தொண்டர் ஒருவரிடம் பேசியது தொடர்பான ஆடியோ வெளியானது. இந்த நிலையில் சசிகலா தொண்டர் ஒருவரிடம் பேசுவது தொடர்பான இரண்டாவது ஆடியோ வெளியாகியுள்ளது என்பது குறிப்பிடத்தக்கது. 

சசிகலாவின் ஆடியோவால் தமிழக அரசியல் வட்டாரத்தில் பரபரப்பு ஏற்பட்டுள்ளது.