ஊரக உள்ளாட்சித் தேர்தல்- தி.மு.க.வினருடன் முதலமைச்சர் ஆலோசனை!

ஊரக உள்ளாட்சித் தேர்தல் தொடர்பாக, சென்னை அண்ணா அறிவாலயத்தில் தி.மு.க.வினருடன் கட்சியின் தலைவரும், தமிழ்நாடு முதலமைச்சருமான மு.க.ஸ்டாலின் ஆலோசனை நடத்தி வருகிறார். இந்த ஆலோசனை கூட்டத்தில் கட்சியின் பொதுச்செயலாளர் துரைமுருகன், கட்சியின் மாவட்டச் செயலாளர்கள், சட்டமன்ற உறுப்பினர்கள், நாடாளுமன்ற உறுப்பினர்கள் உள்ளிட்டோர் கலந்துக் கொண்டனர்.

தற்போது, நெல்லை, தென்காசி, விழுப்புரம், கள்ளக்குறிச்சி ஆகிய மாவட்டங்களைச் சேர்ந்த நிர்வாகிகளுடன் தனித்தனியே ஆலோசனை நடத்தி வரும் முதலமைச்சர், இன்று (05/09/2021) பிற்பகல் வேலூர், ராணிப்பேட்டை, திருப்பத்தூர், காஞ்சிபுரம், செங்கல்பட்டு நிர்வாகிகளுடன் ஆலோசனை நடத்துகிறார்.

இந்த ஆலோசனையின் போது, ஊரக உள்ளாட்சித் தேர்தலுக்கான கட்சிப் பணிகள், கட்சியை வலுப்படுத்துவது உள்ளிட்டவைக் குறித்து முதலமைச்சர் மு.க.ஸ்டாலின் ஆலோசனை நடத்தி வருவதாக தகவல் கூறுகின்றன.