கொங்குநாடு மக்கள் தேசிய கட்சிக்கு 3 தொகுதிகள் ஒதுக்கீடு!

தமிழக சட்டமன்றத் தேர்தலுக்கான தேதியை இந்தியத் தேர்தல் ஆணையம் அறிவித்துள்ள நிலையில், தி.மு.க., அ.தி.மு.க. உள்ளிட்ட கட்சிகள் கூட்டணிப் பேச்சுவார்த்தையில் தீவிரமாக ஈடுபட்டு வருகின்றன. திமுக கூட்டணியில் உள்ள இந்திய யூனியன் முஸ்லிம் லீக், மனிதநேய மக்கள் கட்சி, காங்கிரஸ், விசிக, மதிமுக, சிபிஐ ஆகிய கட்சிகளுடனான தொகுதிப் பங்கீடு பேச்சுவார்த்தை நிறைவடைந்துள்ளது.

கொங்குநாடு மக்கள் தேசிய கட்சியிடம் திமுக ஏற்கனவே பேசிவந்த நிலையில், தற்போது அக்கட்சிக்கு மூன்று தொகுதிகளை திமுக ஒதுக்கியுள்ளது. மூன்று தொகுதிகளிலும் கொ.ம.தே.க. உதயசூரியன் சின்னத்தில் போட்டியிடும் என்று தெரிவிக்கப்பட்டுள்ளது.