Skip to main content

நெடுவாசலில் கருப்பு தினம் அனுசரிப்பு!

Published on 16/02/2019 | Edited on 16/02/2019

 

நெடுவாசல் ஹைட்ரோ கார்ப்பன் திட்டம் செயல்படுத்தப்படும் என்று கடந்த 2017 ம் ஆண்டு பிப்ரவரி 15 ந் தேதி மாலை மத்திய அரசு அறிவித்தது. இந்த அறிவிப்பை தொடர்ந்து 16 ந் தேதி காலை நெடுவாசல் கிராம மக்கள் போராட்டத்தை தொடங்கினார்கள். அடுத்தடுத்த நாட்களில் நெடுவாசல் சுற்றியுள்ள புதுக்கோட்டை, தஞ்சை மாவட்டங்களைச் சோந்த சுமார் 100 கிராமங்களைச் சேர்ந்த விவசாயிகளும், இளைஞர்களும், மாணவர்களும் போராட்டக் களம் நோக்கி வந்தனர். விவசாயிகளும், இளைஞர்களும், மாணவர்களும் திரண்டு வருவதைக் கண்ட அரசியல் கட்சிகளும், திரைத்துறையினரும் போராட்டத்திற்கு ஆதரவாக போராட்டக் களம் நோக்கி வந்து ஆதரவாக பேசினார்கள். 

 

 Black day on neduvasal

தமிழகம் முழுவதும் கல்லூரி மாணவர்கள் வகுப்பு பறக்கணிப்பு போராட்டங்களை நடத்தினார்கள். இப்படி 196 நாட்கள் வரை நெடுவாசல் போராட்டம் நடந்தது. அதே போல வடகாடு, நல்லாண்டார்கொல்லை, கோட்டைக்காடு, கீரமங்கலம் உள்ளிட்ட பல இடங்களிலும் பல நாட்கள் போராட்டங்கள் நடந்தது. நெடுவாசலுக்கு ஆதரவாக நடந்த போராட்டங்களுக்கு வழக்கு போடமாட்டாம் என்று சொன்ன காவல் துறை ஒரு வருடத்திற்கு பிறகு நீதிமன்றத்தின் மூலம் சம்மன் அனுப்பியது.

 

 

ஆனாலும் மத்திய மாநில அரசுகள் திட்டம் வராது என்று வாய்மொழியாக சொன்னாலும் சட்டமன்றத்திலோ பாராளுமன்றத்திலோ மசோதா தாக்கல் செல்லவில்லை. கடந்த ஆண்டு நெடுவாசலுக்குள் நுழைய அனுமதி கிடைக்கவில்லை அதனால் மாற்று இடம் கொடுக்க வேண்டும் என்று சொன்ன ஜெம் நிறுவனம் கடந்த மாதம் நீதிமன்றம் உத்தரவு பெற்று நெடுவாசலுக்கு செல்வோம் என்பது போல கூறியுள்ளது. இதனால் நெடுவாசல் மக்கள் மேலும் கொதித்துப் போய் உள்ளனர். 

 

இந்த நிலையில் கஜா புயலும் அடியோடு புரட்டிப் போட்டுவிட்டு போய்விட்டது. இப்படி விவசாயிகள் மீது அடிமேல் அடி விழுவதால் விவசாயிகள் செய்வதறியாது உள்ளனர். வெளிநாடுகளில் வேலைக்கு சென்றுள்ள இளைஞர்கள் மீண்டும் விவசாயம் செய்ய சொந்த ஊர்களுக்கு வருகிறோம் என்று சொல்லிக் கொண்டிருந்த நிலையில் கஜா புயல் தாக்கி விவசாயத்தை அழித்துவிட்டதால் அந்த எண்ணத்தை தற்காலிகமாக தள்ளிப் போட்டுள்ளனர்.

இந்தநிலையில் நெடுவாசல் போராட்டம் தொடங்கி 2 வருடம் முடீந்து 3 வது வருடம் தொடங்கும் நாளான பிப்ரவரி 16 ந் தேதியை கருப்பு தினமாக அனுசரித்தனர் நெடுவாசல் மக்கள். நாடியம்மன் கோயில் திடலில் திரண்ட இளைஞர்கள் சட்டைகளில் கருப்பு பட்டை அணிந்து கருப்பு கொடி ஏந்தி ஹைட்ரோ கார்பன் திட்டத்தை ரத்து செய்! என்று முழக்கமிட்டனர். 

 Black day on neduvasal

 

போராட்டத்தின் தொடக்கத்தில் வெடிகுண்டுக்கு பலியான ராணுவ வீர்ர்களுக்கு மௌன அஞ்சலி செலுத்தினார்கள். 

 

ஆர்ப்பாட்டத்தில் கலந்து கொண்ட தங்க கண்ணன்.. விவசாயத்தையும் விளைநிலங்களையும் அழித்து விவசாயிகளை வெளியேற்ற திட்டமிட்டு ஹைட்ரோ கார்ப்பன் திட்டத்தை மத்திய அரசு கொண்டு வந்தது. தொடக்கத்திலேயே விவசாயிகள் வலுவாக எதிர்த்து போராடியதால் மத்திய, மாநில அரசுகள் சற்று பின்வாங்கியது. திட்டம் வராது என்று வாய்மொழியாக சொன்னார்கள். சொன்ன பிறகு ஜெம் நிறுவனத்துடன் ஒப்பந்தம் கையெழுத்து போட்டார்கள். அதனால் மறு போராட்டம் வெடித்தது. இப்படி மக்களை தினமும் போராட்டக் களத்திலேயே வைத்துக் கொண்டு அவர்களின் அன்றாட பணிகளை செய்யவிடாமல் செய்தனர். அதனால் காந்தி பிறந்த நாளில் அகிம்சை போராட்டத்தை தறகாலிகமாக கைவிட்டோம். ஆனால் எப்போது ஊருக்குள் நுழைய முயன்றாலும் உக்கிரமான போராட்டம் நடக்கும் என்பதையும் தெளிவு செய்துவிட்டோம்.   ஆனாலும் எங்கள் நிம்மதியை கெடுத்த இந்த நாளை எப்போதும் மறக்க மாட்டோம். அதனால் தான் பிப்ரவரி 16 ந் தேதியை கருப்பு தினமாக அனுசரிக்கிறோம் என்றார்.

 

 

சார்ந்த செய்திகள்

Next Story

“மத்திய அரசு சி.ஏ.ஏ சட்டத்தை அமல்படுத்தியதன் நோக்கம் இதுதான்” - திருமாவளவன்

Published on 13/03/2024 | Edited on 13/03/2024
Thirumavalavan announced the protest for CAA Act

பா.ஜ.க. தலைமையிலான மத்திய அரசால் கடந்த 2019 ஆம் ஆண்டு குடியுரிமை திருத்தச் சட்டம் (C.A.A.) கொண்டுவரப்பட்டது. அதில் கடந்த 2014 ஆம் ஆண்டு டிசம்பர் 31 ஆம் தேதிக்கு முன்னர் இந்தியா வந்தடைந்த வங்கதேசம், பாகிஸ்தான், ஆப்கானிஸ்தான் ஆகிய நாடுகளைச் சேர்ந்த இஸ்லாமியர் அல்லாதோருக்கு இந்தியக் குடியுரிமை வழங்கும் வகையில் மத்திய அரசு புதிய சட்டத் திருத்தத்தைக் கொண்டு வந்தது. இந்தக் குடியுரிமை திருத்தச் சட்டத்திற்கு எதிராக நாடு முழுவதும் கடுமையான எதிர்ப்பு கிளம்பியது. பெரிய அளவில் போராட்டங்களும் நடைபெற்றன.

அதாவது இந்த சட்டத்தில் வெளிநாடுகளில் இருந்து இந்தியாவில் குடியேறிய இந்துக்கள், சீக்கியர்கள் மற்றும் கிறிஸ்தவர்களுக்கு இந்திய குடியுரிமை வழங்க சி.ஏ.ஏ. வகை செய்கிறது. அதே சமயம் வெளிநாடுகளில் இருந்து இந்தியாவில் குடியேறும் இஸ்லாமிய மக்களுக்கு குடியுரிமை வழங்க வழிவகை செய்யப்படவில்லை. மேலும் தமிழகத்தில் உள்ள இலங்கைத் தமிழர்களுக்கு இந்திய குடியுரிமை வழங்கவும் சிஏஏ சட்டத்தில் வழிவகை செய்யப்படாததும் குறிப்பிடத்தக்கது. இதற்கிடையே கடந்த 2019 ஆம் ஆண்டு டிசம்பர் மாதம் நாடாளுமன்றத்தில் இச்சட்டம் நிறைவேற்றப்பட்டது. அதனைத் தொடர்ந்து குடியரசுத் தலைவர் இந்த சட்டத்திற்கு ஒப்புதல் வழங்கி இருந்தார். இந்நிலையில், குடியுரிமை திருத்தச் சட்டம் நேற்று முன்தினம் முதல் (11.03.2024) அமலுக்கு வந்ததாக மத்திய அரசு அறிவித்துள்ளது. இதற்கான அறிவிக்கையை மத்திய அரசு வெளியிட்டது. 

மத்திய அரசு கொண்டு வந்திருக்கும் குடியுரிமை திருத்தச் சட்டத்திற்கு, பல்வேறு எதிர்க்கட்சிகள், தங்களது எதிர்ப்பை தெரிவித்து வருகின்றன. அந்த வகையில், விடுதலை சிறுத்தைகள் கட்சித் தலைவர் திருமாவளவன், சி.ஏ.ஏ சட்டத்திற்கு கண்டனம் தெரிவித்துள்ளார். அதனையொட்டி, செய்தியாளர்களைச் சந்தித்து பேசிய திருமாவளவன், “இந்த சட்டத்திற்கு இந்தியா முழுவதும் உள்ள ஜனநாயக சக்திகள் கடும் எதிர்ப்பை தெரிவித்திருக்கிறார்கள். அந்த எதிர்ப்பை எதிர்கொள்ள இயலாத காரணத்தில் கடந்த 3 ஆண்டுகளாக் அச்சட்டத்தை கிடப்பில் போட்டு வைத்திருந்தார்கள். தேர்தல் நேரத்தில் இஸ்லாமியர்களுக்கும், இஸ்லாமியர்கள் அல்லாதவர்களுக்கும் இடையே பிளவை ஏற்படுத்த வேண்டும் என்ற நோக்கத்தில் தான் இப்போது அதை அமல்படுத்திருக்கிறார்கள். இதன் மூலம் பெரும்பான்மைவாத அரசியலை முன்னெடுக்க முடியும் என்று அவர்கள் நம்புகிறார்கள்.

இதனை கண்டித்து தமிழ்நாடு முழுவதும் விடுதலை சிறுத்தைகள் கட்சி சார்பில், வரும் மார்ச் 15ஆம் தேதி அன்று மாவட்ட தலைநகரங்களில் ஆர்ப்பாட்டம் நடத்த இருக்கிறோம். பா.ஜ.க.வினர் தமிழ்நாட்டில் மட்டுமல்ல இந்தியாவில் உள்ள எந்த மாநிலத்திலும் சாதாரண மக்கள் பாதிக்கப்பட்டாலும் அவர்கள் சென்றதேயில்லை. மணிப்பூரில் நாள்தோறும் பற்றி எரிந்துக் கொண்டிருக்கிறது. ஆனால், பிரதமரோ, உள்துறை அமைச்சரோ அங்கு சென்று பார்க்கவேயில்லை. ஆனால், தேர்தல் நேரத்தில் ஒரே மாநிலத்தில் திரும்ப திரும்ப வருகிற நிலையை நாம் பார்க்கிறோம். அவர்கள் எவ்வளவு சந்தர்ப்பவாத அரசியல்வாதிகள் என்பதை நாட்டு மக்கள் புரிந்துகொள்ள வேண்டும். மக்கள் நலனை விட தங்கள் அரசியல் ஆதாயம் தான் முக்கியம் என்று கருதக்கூடியவர்கள். அதனால், இந்தியா கூட்டணிக்கு மக்கள் வாக்களிப்பது அவசியம். சனாதன சக்திக்கு எதிராக ஜனநாயக சக்திகள் ஒன்றிணைய வேண்டும்” என்று கூறினார். 

Next Story

சி.ஏ.ஏவை எதிர்த்து சென்னைப் பல்கலைக்கழக மாணவர்கள் போராட்டம் (படங்கள்)

Published on 12/03/2024 | Edited on 12/03/2024

 

மத்திய அரசு அமல்படுத்தியுள்ள குடியுரிமை திருத்தச் சட்டத்தை (சி.ஏ.ஏ) எதிர்த்து சென்னைப் பல்கலைக்கழகத்தில் பல்கலைக்கழக மாணவர்கள் போராட்டம் நடத்தினர். மேலும், அவர்கள் சி.ஏ.ஏ விளம்பர பதாகைகளைத் தீ வைத்து எரித்தனர்.