மு.க.ஸ்டாலின் தலைமையில் மாவட்டச் செயலாளர்கள் கூட்டம்! 

திமுக மாவட்டச் செயலாளர்கள் கூட்டம் குறித்து அக்கட்சியின் பொதுச்செயலாளர் துரைமுருகன் அறிக்கை வெளியிட்டுள்ளார்.

அதில், திமுக தலைவர் மு.க.ஸ்டாலின் தலைமையில் திமுக மாவட்டக் கழகச் செயலாளர்கள் கூட்டம் நாளை (05.03.2021) வெள்ளிக்கிழமை காலை 9 மணி அளவில் காணொளிக் காட்சி வாயிலாக நடைபெறும். 

இந்தக் கூட்டத்தில் மாவட்டக் கழகச் செயலாளர்கள், பொறுப்பாளர்கள் அனைவரும் தவறாமல் கலந்துகொள்ள வேண்டும் என்றும், மார்ச் 7ஆம் தேதி அன்று திருச்சியில் நடைபெறும் பொதுக்கூட்டம் குறித்து இக்கூட்டத்தில் ஆலோசிக்கப்படும் என்றும் தெரிவிக்கப்பட்டுள்ளது.