பிரதமர் மோடியை சந்தித்து வாழ்த்து பெற்ற விராட் - அனுஷ்கா ஜோடி

Published on 21/12/2017 | Edited on 21/12/2017

பிரதமர் மோடியை சந்தித்து வாழ்த்து பெற்ற விராட் - அனுஷ்கா ஜோடி

சமீபத்தில் திருமணமான விராட் - அனுஷ்கா ஜோடி பிரதமரைப் பார்த்து வாழ்த்துப் பெற்றுள்ளனர்.

இந்திய கிரிக்கெட் அணியின் கேப்டன் விராட் கோலி, பாலிவுட் நடிகையான தன் காதலி அனுஷ்கா சர்மாவுடன் கடந்த டிசம்பர் 11ஆம் தேதி இத்தாலியில் வைத்து திருமணம் செய்துகொண்டார். இந்த திருமண நிகழ்வுக்கு கிரிக்கெட் வீரர்கள் மற்றும் பாலிவுட் நட்சத்திரங்கள் யாருக்கும் அழைப்பு விடுக்கப்படவில்லை.

இவர்களின் திருமண வரவேற்பு நிகழ்வு நாளை (டிச.21) டெல்லியில் வைத்தும், வருகிற 26ஆம் தேதி மும்பையில் வைத்து நடைபெறவுள்ளது. இதில் கலந்துகொள்ள பல்வேறு பிரபலங்களுக்கு அழைப்பு விடுக்கப்பட்டுள்ளது.

இந்நிலையில், இன்று காலை பிரதமர் மோடியை விராட் - அனுஷ்கா ஜோடியை நேரில் சென்று சந்தித்து வாழ்த்து பெற்றதாக பிரதமர் அலுவலக ட்விட்டர் பக்கத்தில் தெரிவிக்கப்பட்டுள்ளது. மேலும், அவர்களது சந்திப்பின் புகைப்படங்களும் வெளியாகியுள்ளன.