'வீரமே வாகை சூடும்' படத்திற்கு பிறகு நடிகர் விஷால் நடிக்கும் திரைப்படம் 'லத்தி'. 'ராணா ப்ரொடக்ஷன்' சார்பாக ரமணா மற்றும் நந்தா தயாரிக்கும் இப்படத்தை அறிமுக இயக்குநர் வினோத் குமார் இயக்குகிறார். இப்படத்தில் விஷாலுக்கு ஜோடியாக சுனைனா நடிக்க பிரபு முக்கிய கதாபாத்திரத்தில் நடிக்கிறார். இப்படத்தின் முதற்கட்ட படப்பிடிப்பு நிறைவடைந்துள்ள நிலையில் அடுத்த கட்ட படப்பிடிப்பில் படக்குழு தீவிரம் காட்டி வருகிறது. இதனிடையே படத்தின் டப்பிங் பணிகள் சமீபத்தில் தொடங்கி விறுவிறுப்பாக நடைபெற்று வருகிறது.
இந்நிலையில் 'லத்தி' படத்தின் ரிலீஸ் தேதி வெளியாகியுள்ளது. ஆகஸ்ட் மாதம் 12-ஆம் தேதி உலகெங்கும் உள்ள திரையரங்குகளில் இப்படம் வெளியாகிறது. இதனை அதிகாரப்பூர்வமாக தனது ட்விட்டர் பக்கத்தில் விஷால் தெரிவித்து புதிய போஸ்டர் ஒன்றையும் வெளியிட்டுள்ளார். இப்படம் தமிழ், தெலுங்கு, மலையாளம், கன்னடம் மற்றும் இந்தி ஆகிய மொழிகளில் வெளியாகவுள்ளது குறிப்பிடத்தக்கது.
Get ready to witness #Laththi in theatres worldwide from #August12th 2022.
Stay tuned for my Chapter Of #Enmity. #LaththiCharge #LaththiFromAug12@_RanaProduction @dir_vinothkumar @actorramanaa @nandaa_actor @balasubramaniem @PeterHeinOffl @thisisysr @DOP_bala @TheSunainaa pic.twitter.com/8pefRPBNRK— Vishal (@VishalKOfficial) May 22, 2022
