தமிழ்நாடு அரசு விருது பெறும் பிரபலங்களின் பட்டியல்

Photographer

Published on 02/09/2022 | Edited on 03/09/2022

tamilnadu govt cinema and television award list

ஆண்டுதோறும் தமிழக அரசு சார்பில் சிறந்த திரைப்படம், சின்னத்திரை கலைஞர்கள் மற்றும் திரைப்பட கல்லூரி மாணவர்களுக்கு விருது வழங்கப்பட்டு வருகிறது. அந்த வகையில் கடந்த 2009 ஆம் ஆண்டு முதல் 2014ஆம் ஆண்டு வரை தமிழக அரசு விருது பெறுபவர்களின் பெயர் பட்டியல் அறிவிக்கப்பட்ட நிலையில் இதுவரை அந்த விருதுகள் வழங்கப்படவில்லை.

இந்த நிலையில் தமிழக அரசு விருது வழங்கும் விழா வரும் 4ஆம் தேதி சென்னை, கலைவாணர் அரங்கில் நடைபெறவுள்ளது. இவ்விழாவில் கடந்த 2009 ஆம் ஆண்டு முதல் 2014 ஆம் ஆண்டு வரையிலான சிறந்த திரைப்பட மற்றும் சின்னத்திரை கலைஞர்களுக்கு விருதுகள் வழங்கப்படவுள்ளது.

இதில் தேர்வு செய்யப்பட்ட சிறந்த திரைப்படங்களின் தயாரிப்பாளர்களுக்கு முதல் பரிசு ரூ.2 லட்சம், இரண்டாம் பரிசு ரூ.1 லட்சம், மூன்றாம் பரிசு ரூ.75 ஆயிரம் என வழங்கப்படவுள்ளது. சிறந்த நடிகர், நடிகையர் மற்றும் தொழில்நுட்பக் கலைஞர் என 160 பேருக்குத் தலா 5 பவுன் தங்க பதக்கம் வழங்கப்படுகிறது.

அதேபோல், சின்னத்திரையில் சிறந்த நெடுந்தொடர்களின் தயாரிப்பாளர்களுக்கு முதல் பரிசு ரூ.2 லட்சம், இரண்டாம் பரிசு ரூ.1 லட்சம் மற்றும் ஆண்டின் சிறந்த வாழ்நாள் சாதனையாளர்களுக்குத் தலா ரூ. 1 லட்சம் என 20 பேருக்கு வழங்கப்படவுள்ளது. மேலும் சிறந்த கதாநாயகன், கதாநாயகி மற்றும் தொழில்நுட்பக் கலைஞர்கள் என 81 பேருக்கு 3 பவுன் தங்கப்பதக்கம் வழங்கப்படுகிறது.

தமிழக அரசு விருது பெருவர்பவர்களின் விவரங்கள்;

சிறந்த நடிகர்கள்;

2009 - கரண் (மலையன்)

2010 - விக்ரம் (ராவணன்)

2011 - விமல் (வாகை சூடவா)

2012 - ஜீவா (நீதானே என் பொன்வசந்தம்)

2013 -ஆர்யா (ராஜா ராணி)

2014 - சித்தார்த் (காவியத் தலைவன்)

சிறந்த இயக்குநர்கள்;

2009 - வசந்தபாலன் (அங்காடித் தெரு)

2010- பிரபு சாலமன் (மைனா)

2011- ஏ.எல்.விஜய் (தெய்வத்திருமகள்)