கௌதம் மேனன் இயக்கத்தில் சிம்பு நடிப்பில் உருவாகி வரும் படம் வெந்து தணிந்தது காடு. இப்படத்தின் பணிகள் அனைத்தும் முடிந்து செப்டம்பர் 15 ஆம் தேதி திரையரங்குகளில் வெளியாகவுள்ளது. இப்படத்தை தொடர்ந்து நடிகர் சிம்பு சில்லுனு ஒரு காதல் படத்தை இயக்கிய கிருஷ்ணா இயக்கத்தில் ’பத்து தல’ படத்தில் நடித்து வருகிறார். இப்படத்தின் பணிகள் முழு வீச்சில் நடைபெற்று வருகிறது.
இந்நிலையில் நடிகர் சிம்பு மதுபான விளம்பரத்தில் நடிக்க மறுத்த உள்ளதாக தகவல் வெளியாகியுள்ளது. பிரபல பன்னாட்டு மது நிறுவனம் ஒன்று தங்களது விளம்பரத்தில் நடிக்க சிம்புவை அணுகியதாக கூறப்படுகிறது. ஆனால் அதை சிம்பு திட்டவட்டமாக மறுத்துள்ளாராம். தன்னை பின்பற்றும் ரசிகர்கள் ஏராளமானோர் இருப்பதால் அவர்களின் நலன் கருதி சிம்பு இந்த முடிவை எடுத்ததாக கூறப்படுகிறது. இதை அறிந்த பலரும் நடிகர் சிம்புவை பாராட்டி வருகின்றனர்.
