இயக்குநர் வெங்கட் பிரபு இயக்கத்தில் நடிகர் சிம்பு மாநாடு படத்தில் நடித்துள்ளார். இதில் சிம்பு ஜோடியாக கல்யாணி பிரியதர்ஷன் நடிக்கிறார். எஸ்.ஏ சந்திரசேகர், எஸ். ஜே. சூர்யா, பிரேம் ஜி ஆகியோர் படத்தின் முக்கிய கதாபாத்திரங்களில் நடித்திருக்கின்றனர். சுரேஷ் காமாட்சி தயாரிக்கும் இப்படத்திற்கு யுவன் சங்கர் ராஜா இசையமைத்துள்ளார். படத்தின் படப்பிடிப்பை நிறைவு செய்த படக்குழு இறுதி கட்ட பணியில் தீவிரம் காட்டி வருகிறது.
மாநாடு படத்தின் சிறு முன்னோட்டமாக வெளியான ட்ரைலர் ரசிகர்கள் மத்தியில் படத்தின் மீதான எதிர்பார்ப்பை அதிகரிக்கச் செய்தது. தீபாவளிக்கு வெளியாகும் எனப் படக்குழு அறிவித்திருந்த நிலையில் சில பிரச்சனைகளால் படத்தின் ரிலீஸ் நவம்பர் 25 ஆம் தேதிக்குத் தள்ளிப் போனது.
இந்நிலையில் மாநாடு படத்தை கிரேட் இந்தியா பிலிம்ஸ் நிறுவனம் அமெரிக்காவில் 150 திரையரங்கில் வெளியிடவுள்ளது. பிரபாஸ் நடிப்பில் வெளியான பாகுபலி படத்தை வெளிநாடுகளில் ஆயிரத்திற்கும் மேற்பட்ட திரையரங்கில் இந்நிறுவனம் வெளியிட்டிருந்தது குறிப்பிடத்தக்கது.
