லிங்குசாமி இயக்கத்தில் கடந்த 2012ஆம் ஆண்டு வெளியான படம் வேட்டை. இதில் மாதவனும் ஆர்யாவும் அண்ணன் தம்பி கதாபாத்திரங்களில் நடித்திருப்பார்கள். அதேபோல சமீரா ரெட்டியும் அமலா பாலும் அக்கா தங்கைகளாக நடித்திருப்பார்கள்.
வேட்டை படம் வெளியாகி 7 வருடங்களான நிலையில் பாலிவுட்டில் ரீமேக்கிற்காக தயாராகி வருகிறது. பாஹி படத்தின் 3-ம் பாகமாக இது உருவாகிறது. இப்படத்தை அஹ்மத் இயக்க உள்ளார்.
ஆர்யா கதாபாத்திரத்தில் டைகர் ஷெரிப்பும், மாதவன் கதாபாத்திரத்தில் ரிதேஷ் தேஸ்முக்கும் நடிக்க உள்ளதாக கூறப்படுகிறது. சாஹோ படத்தில் நடித்த ஷ்ரத்தா கபூர் இப்படத்தில் ஹீரோயினாக நடிக்க உள்ளார். ஏற்கனவே வெளியான பாஹி 1 மற்றும் 2-ம் பாகம், வர்சம், ஷனம் ஆகிய தெலுங்கு படங்களின் ரீமேக்காகும். இந்நிலையில் வேட்டை படத்தின் ரீமேக்காக பாஹி 3-ம் பாகம் உருவாகவுள்ளது குறிப்பிடத்தக்கது.
