'மாநகரம்', 'கைதி' ஆகிய வெற்றிப்படங்களை இயக்கியவர் லோகேஷ் கனகராஜ். அப்படங்களுக்கு ரசிகர்களிடம் கிடைத்த வரவேற்பால், தமிழ் சினிமாவின் 'மோஸ்ட் வான்டட்' இயக்குனராக உயர்ந்தார் லோகேஷ். தமிழ் சினிமாவின் முன்னணி நட்சத்திரமான விஜயை வைத்து அவர் இயக்கிய 'மாஸ்டர்' படம், வெளியீட்டுக்குத் தயாராகவுள்ளது.
'மாஸ்டர்' படத்தைத் தொடர்ந்து லோகேஷ் கனகராஜ், கமல்ஹாசன் நடிக்கும் படத்தை இயக்குகிறார். இதற்கான அதிகாரப்பூர்வ அறிவிப்பு கடந்த செப்டெம்பர் மாதம் 16 -ஆம் தேதி வெளியானது. விரைவில், இப்படத்தின் படப்பிடிப்பு தொடங்கும் என எதிர்பார்க்கப்படுகிறது.
Title announcement teaser of #kamalhaasan232 is coming this Saturday 7th nov 5pm! Need all your wishes and support ??#KH232Title_reveal_teaser@ikamalhaasan pic.twitter.com/P8I9fterzd
— Lokesh Kanagaraj (@Dir_Lokesh) November 5, 2020
இந்தநிலையில், கமலின் பிறந்தநாளான நவம்பர் 7 அன்று, கமல்- லோகேஷ் கனகராஜ் இணையும் படத்தின் ஃபர்ஸ்ட் லுக் வெளியிடப்படும் எனத் தகவல்கள் வெளிவந்த நிலையில், தற்போது படத்தின் டைட்டில் டீஸர் வெளியாகும் என அதிகாரப்பூர்வமாக அறிவிக்கப்பட்டுள்ளது. படத்தின் இயக்குனர் லோகேஷ் கனகராஜ் இத்தகவலை தனது ட்விட்டர் பக்கத்தில் வெளியிட்டுள்ளார். மேலும் நவம்பர் ஏழாம் தேதி மாலை ஐந்து மணிக்கு, இந்த டைட்டில் டீஸர் வெளியாகும் எனவும் அவர் குறிப்பிட்டுள்ளார்.
