இலங்கையுடனான டி20 கிரிக்கெட் போட்டி - இந்தியா பேட்டிங்

Published on 21/12/2017 | Edited on 21/12/2017

இலங்கையுடனான டி20 கிரிக்கெட் போட்டி - இந்தியா பேட்டிங்

இந்தியா வந்துள்ள இலங்கை அணி மூன்று டி20 போட்டிகளைக் கொண்ட கிரிக்கெட் தொடர் விளையாடுகிறது. இந்நிலையில், கட்டாக்கில் உள்ள பராபட்டி மைதானத்தில் வைத்து தொடங்கிய முதல் டி20 போட்டியில் டாஸ் வென்ற இலங்கை அணி, இந்தியாவை பேட்டிங் செய்ய பணித்தது.

இந்திய அணியின் தொடக்க ஆட்டக்காரர்கள் ரோகித் சர்மா மற்றும் கே.எல்.ராகுல் களமிறங்கினர். 13 பந்துகளைச் சந்தித்த ரோகித் 17 ரன்கள் எடுத்திருந்தபோது மேத்யூஸ் வீசிய பந்தில் சமீராவிடம் கேட்ச் கொடுத்து பெவிலியன் திரும்பினார். இந்நிலையில், ஆறு ஓவர்கள் முடிவில் ஒரு விக்கெட் இழப்புக்கு 50 ரன்கள் எடுத்துள்ளது. ஸ்ரியாஸ் ஐயர் மற்றும் ராகுல் களத்தில் உள்ளனர்.

இந்தியா வந்துள்ள இலங்கை அணி ஏற்கெனவே நடைபெற்ற டெஸ்ட் மற்றும் ஒருநாள் கிரிக்கெட் தொடர்களில் இந்திய அணியிடம் தோற்றுள்ளது. இதுவரை இந்தியாவில் நடைபெற்ற எந்தத் தொடரிலும் இந்திய அணி வெற்றிபெறவில்லை என்பதும் குறிப்பிடத்தக்கது.