இந்திய அணி அபார வெற்றி

இந்திய அணி அபார வெற்றி

கம்பீர், கோக்லியின் அசத்தலான சதத்தால் இலங்கைக்கு எதிரான 4 வது ஒரு நாள் போட்டியில் இந்திய அணி 316 ரன்களை  சேசிங்' செய்து அபார வெற்றி பெற்றது.

இலங்கை கிரிக்கெட் அணி இந்தியாவில் சுற்றுப்பயணம் மேற்கொண்டு 5 போட்டிகள் கொண்ட ஒரு நாள் தொடரில் விளையாடி வருகிறது. இதில் முதல் 3 ஆட்டங்களில் 2 ல் இந்தியாவும், ஒன்றில் இலங்கையும் வெற்றி பெற்றிருந்தன.

இந்த நிலையில் இந்தியா இலங்கை அணிகள் இடையிலான 4 வது ஒரு நாள் போட்டி கொல்கத்தா ஈடன்கார்டன் மைதானத்தில் நேற்று நடந்தது. இந்திய அணி 48.1 ஓவர்களில் 3 விக்கெட்டுக்கு 317 ரன்கள் குவித்து 7 விக்கெட்டுகள் வித்தியாசத்தில் அபார வெற்றி பெற்றது.

இந்த வெற்றியின் மூலம் இந்திய அணி 3 1 என்ற கணக்கில் தொடரை கைப்பற்றியது. 5 வது மற்றும் கடைசி ஒரு நாள் போட்டி வருகிற 27 ந்தேதி டெல்லியில் நடக்கிறது.