Breaking

இவரின் விக்கெட்டை வீழ்த்தினால்தான் நான் நம்பர் 1 பவுலர் – பும்ரா

Photographer

Published on 26/02/2019 | Edited on 26/02/2019

“பெர்த் போன்ற பிட்ச்களில் பும்ராவின் பவுலிங்கை நான் சந்திக்க விரும்பவில்லை” என்று டிசம்பர் மாதம் ஆஸ்திரேலியாவுக்கு எதிரான மூன்றாவது டெஸ்ட் போட்டியின்போது விராட் கோலி குறிப்பிட்டார். அந்த தொடரில் ஒரு வரலாற்று சிறப்புமிக்க தொடர் வெற்றியை இந்திய அணி பெறுவதற்கு முக்கிய காரணமாக இருந்தது பும்ராவின் பவுலிங். லிமிடெட் ஓவர் ஸ்பெஷலிஸ்ட் என்று கருதப்பட்ட பும்ரா கடந்த வருடம் டெஸ்ட் போட்டிகளில் அறிமுகமாகி வெளிநாடுகளில் அசத்தினார்.

2016-ஆம் ஆண்டு ஜனவரி மாதம் சர்வதேச போட்டிகளில் இந்திய அணிக்கு அறிமுகமானார் ஜஸ்ப்ரிட் பும்ரா. விளையாடத் துவங்கி 3 ஆண்டுகளில் இன்று உலகின் நம்பர் 1 பவுலராக திகழ்கிறார். யார்கர், ஸ்லொவ் பால், பவுன்சர் என பல விதமான பவுலிங் மூலம் பேட்ஸ்மேன்களை திணறடித்து வருகிறார். அவர் சர்வதேச போட்டிகளுக்கு அறிமுகமாக முக்கிய காரணமாக இருந்தது ஐ.பி.எல். போட்டிகளில் அவரின் அற்புதமான பவுலிங்.

2013-ஆம் ஆண்டு தனது முதல் ஐ.பி.எல். போட்டியில் கெயில், கோலி போன்ற பெரிய ஜாம்பவான்களுக்கு பந்துவீசினார். அந்த போட்டியில் கோலியின் விக்கெட்டை வீழ்த்தினார். குறுகிய காலகட்டத்தில் மிகவும் நல்ல முன்னேற்றத்தை கண்டுள்ளார். ஒவ்வொரு முறையும் பவுலிங்கில் அசத்தி பேட்ஸ்மேன்களுக்கு அதிக நெருக்கடி கொடுத்து வருகிறார். இன்று உலகின் சிறந்த பவுலர், டெத் ஓவர் ஸ்பெஷலிஸ்ட் இவர்தான்.

டெஸ்ட் போட்டியில் முதல் விக்கெட் ஏ பி டி வில்லியர்ஸ், ஒருநாள் போட்டிகளில் முதல் விக்கெட் ஸ்டீவ் ஸ்மித், 2013-ஆம் ஆண்டு ஐ.பி.எல். தொடரில் முதல் விக்கெட் விராட் கோலி, டி-20 போட்டிகளில் முதல் விக்கெட் வார்னர் என அனைத்தும் நட்சத்திர வீரர்களின் விக்கெட்.

ஒருநாள் போட்டிகளில் உலகின் நம்பர் 1 பந்துவீச்சாளரான ஜஸ்ப்ரிட் பும்ரா வரும் ஐ.பி.எல். தொடரில் விராட் கோலியின் விக்கெட்டை எடுப்பதில் முனைப்பாக உள்ளார். “உலகின் சிறந்த பந்துவீச்சாளரா நான்? இன்னும் இல்லை. நான் இன்னும் உலகின் சிறந்த பேட்ஸ்மேனை அவுட் செய்ய வேண்டும். விராட் கோலி, நான் வருகிறேன். இந்த முறை நீங்கள் என் அணியில் இல்லை” என்று பும்ரா ஐ.பி.எல். ப்ரோமோ ஒன்றில் கூறியுள்ளார்.

இந்திய அணியில் ஒன்றாக இணைந்து விளையாடிய வீரர்கள் ஐ.பி.எல். தொடரில் வேறு வேறு அணியில் விளையாடவுள்ளனர். வெளிநாட்டு அணிகளுடன் ஆக்ரோசமாக விளையாடிய வீரர்களுடன் ஒரே அணியிலும் இந்திய அணி வீரர்கள் விளையாடவுள்ளனர். ஐ.பி.எல். போட்டிகள் பற்றி பலரும் கருத்துகள் கூறி வரும் நிலையில் இந்த ப்ரோமோ வெளியிடப்பட்டு ரசிகர்கள் அனைவரிடமும் நல்ல வரவேற்பை பெற்றுள்ளது.

ஐ.பி.எல். நிர்வாகத்தின் அதிகாரப்பூர்வ ட்வீட்டர் பக்கத்தை 6.3 மில்லியன் ஃபாலோவர்ஸ் ஃபாலோ செய்து வருகின்றனர். அதேபோல ஒவ்வொரு அணிக்கும் தனியாக அதிகாரப்பூர்வ ட்வீட்டர் கணக்குகள் உள்ளன. அதிகபட்சமாக மும்பை அணிக்கு 4.97 மில்லியன் ஃபாலோவர்ஸ் உள்ளனர். சென்னை அணி - 4.54, கொல்கத்தா அணி - 4.12, பெங்களூர் அணி - 3.35, சன் ரைசர்ஸ் அணி - 2.02, பஞ்சாப் அணி - 1.91, டெல்லி அணி - 1.32, ராஜஸ்தான் அணி - 1.09 மில்லியன் ஃபாலோவர்ஸ்களை கொண்டுள்ளது.

ராயல் சேலஞ்சர்ஸ் பெங்களூர் அணி தனது முதல் போட்டியில் சென்னை சூப்பர் கிங்ஸ் அணிக்கு எதிராக மார்ச் 23-ம் தேதி விளையாடுகிறது. 24-ஆம் தேதி டெல்லி அணியுடன் மும்பை அணி மோதவுள்ளது. மும்பை மற்றும் பெங்களூர் அணிகள் 28-ஆம் தேதி விளையாடவுள்ளது. ஐ.பி.எல். தொடரில் மும்பை அணியை எதிர்கொள்ளும் போது பும்ராவின் பவுலிங் பெங்களூர் அணிக்கு சவாலாக இருக்கும். இதில் கோலி vs. பும்ரா, டி வில்லியர்ஸ் vs. பும்ரா மிகவும் எதிர்ப்பார்க்கப்படும் ஒன்று.

விரிவான அலசல் கட்டுரைகள்

சார்ந்த செய்திகள்

நக்கீரன் செய்திப்பிரிவு

Photographer

Published on 26/04/2024 | Edited on 26/04/2024

There is a twist Royal Challengers rocking performance against Sunrisers!

ஐபிஎல் 2024இன் 41 ஆவது லீக் ஆட்டம் பெங்களூரு மற்றும் ஹைதராபாத் அணிகளுக்கிடையே நேற்று (ஏப்.25) நடைபெற்றது. இதில் டாஸ் வென்ற பெங்களூரு அணி முதலில் பந்து வீச முடிவு செய்தது. அதன்படி முதலில் களமிறங்கிய ஆர்சிபி, அனுபவ கோலி, டு பிளசிஸ் இணை ஹைதராபாத் பந்து வீச்சை ஆரம்பத்திலேயே ஆட்டம் காண வைத்தது. அதிரடியாக ஆடிக் கொண்டிருந்த டு பிளசிஸ் 25 ரன்களில் ஆட்டமிழந்தார். பின்னர் வந்த வில் ஜேக்ஸும் 6 ரன்னில் வெளியேறினார்.

அடுத்து வந்த பட்டிதார், கோலியுடன் இணைந்து அசர வைக்கும் விதத்தில் ஆடினார். மார்கண்டேவின் ஒரே ஓவரில் தொடர்ச்சியாக 4 சிக்சர்கள் அடித்து ஹைதராபாத் பவுலர்களை திகைக்க வைத்தார். 20 பந்துகளில் அரை சதம் அடித்து 50 ரன்களில் ஆட்டமிழந்தார். கோலியும் 51 ரன்களில் ஆட்டமிழந்தார். க்ரீனின் 20 பந்துகளுக்கு 37 எனும் கடைசி கட்ட அதிரடி கை கொடுக்க பெங்களூரு அணி 20 ஓவர்கள் முடிவில் 7 விக்கெட்டுகள் இழப்பிற்கு 206 ரன்கள் குவித்தது. சிறப்பாக பந்து வீசிய உனாத்கட் 3 விக்கெட்டுகளும், நடராஜன் 2 விக்கெட்டுகளும், மார்கண்டே, கம்மின்ஸ் ஆகியோர் தலா 1 விக்கெட்டும் எடுத்தனர்.

பின்னர் 207 ரன்கள் என்ற கடின இலக்கை துரத்தியது. கடந்த சில போட்டிகளாக அதிரடியாக ஆடி ரன்கள் குவித்து வரும் ஹைதராபாத் அணி இந்த இலக்கை எளிதில் அடித்துவிடும் என்று ரசிகர்கள் எதிர்பார்க்க, முதல் ஓவரிலேயே ஹைதராபாத் அணிக்கு அதிர்ச்சி காத்திருந்தது. டு பிளசிஸ் தைரியமாக முதல் ஓவரை ஸ்பின்னரான வில் ஜேக்ஸுக்கு கொடுக்க, சிக்சர்கள் பறக்கும் என்று ரசிகர்கள் எதிர்பார்த்த வேளையில், ட்விஸ்ட் நடந்தது. தொடர்ச்சியான அதிரடி ஆட்டத்தால் எதிரணிகளை மிரட்டி வந்த ஹெட் 1 ரன்னில் அவுட் ஆனார்.

பின்னர் சிறிது அதிரடி காட்டிய அபிஷேக் சர்மா 31 ரன்களில் வெளியேறினார். அடுத்து ஸ்வப்னில் சிங் சுழலில் மார்க்ரம் 7, கிளாசென் 4 என அடுத்தடுத்து ஆட்டமிழந்தனர். நித்திஷ் ரெட்டியும் 13 ரன்களில் கரன் ஷர்மா பந்தில் போல்டு ஆனார். அடுத்து வந்த அப்துல் சமத்தும், கரன் ஷர்மா பந்தில் அவரிடமே கேட்ச் கொடுத்து ஆட்டமிழந்தார்.

85-6 என்ற இக்கட்டான சூழலில் கேப்டன் கம்மின்ஸ் களமிறங்கினார். அவருடன் இணைந்து சபாஸ் அஹமதுவும் இணைந்து எவ்வளவோ முயன்றும் வெற்றி இலக்கை அடைய முடியவில்லை. கம்மின்ஸ் 31 ரன்களில் ஆட்டமிழந்தார். இறுதி வரை களத்தில் நின்ற சபாஸ் அஹமது 40 ரன்கள் எடுத்தார். 20 ஓவர்கள் முடிவில் 8 விக்கெட்டுகளை இழந்த ஹைதராபாத் அணியால் 171 ரன்களை மட்டுமே எடுக்க முடிந்தது. இதன் மூலம் 35 ரன்கள் வித்தியாசத்தில் வெற்றி பெங்களூரு அணி வெற்றி பெற்றது.

சிறப்பாக பந்து வீசிய ஸ்வப்னில் சிங், கரன் ஷர்மா, க்ரீன் ஆகியோர் தலா 2 விக்கெட்டுகளும், யாஸ் தயால், வில் ஜேக்ஸ் ஆகியோர் தலா ஒரு விக்கெட்டும் எடுத்தனர். அட்டகாசமாக ஆடி 20 பந்துகளில் அரை சதம் அடித்த பட்டிதார் ஆட்ட நாயகனாகத் தேர்ந்தெடுக்கப்பட்டார். இதன் மூலம் 4 புள்ளிகள் பெற்றாலும் ரன் ரேட் அடிப்படையில் பெங்களூரு அணி கடைசி இடத்திலேயே நீடிக்கிறது.

இனி வரும் அனைத்து போட்டிகளிலும் வெற்றி பெற்று மற்ற அணிகளின் ஆட்டங்களின் முடிவைப் பொறுத்து பெங்களூரு அணிக்கு கொஞ்சம் பிளே ஆஃப் வாய்ப்பு எஞ்சியுள்ளது. அதனால் இந்த வெற்றியானது 6 ஆட்டங்களாக தொடர் தோல்விகளால் துவண்டிருந்த பெங்களூரு அணிக்கு உற்சாகத்தை அளித்துள்ளது.

விரிவான அலசல் கட்டுரைகள்

நக்கீரன் செய்திப்பிரிவு

Photographer

Published on 25/04/2024 | Edited on 25/04/2024

tamanna summoned by maharashtra cyber crime for ipl telecast issue

கடந்த 2023ஆம் ஆண்டு ஐபிஎல் டி20 கிரிக்கெட் தொடரின் டிஜிட்டல் ஒளிபரப்பு உரிமையை வியாகாம் நிறுவனம் வாங்கியது. அதன்படி அந்நிறுவனத்தின் செயலியான ஜியோ சினிமா செயலியில் இலவசமாக ஐபிஎல் போட்டிகளை ஒளிபரப்பி வந்தது. 2023 முதல் அடுத்த ஐந்தாண்டிற்கு ஐபில் தொடரின் டிஜிட்டல் உரிமையை வியாகாம் நிறுவனம் வாங்கியுள்ளதாக கூறப்படுகிறது.

இந்த நிலையில் கடந்த ஆண்டு ஃபேர்பிளே என்கிற சூதாட்ட செயலியில் சட்டவிரோதமாக ஐபிஎல் போட்டிகள் நேரலையில் ஒளிபரப்பப்பட்டதாக கூறி வியாகாம் நிறுவனம் மகாராஷ்ட்ரா சைபர் கிரைமில் புகார் அளித்தது. அந்த புகாரில், ஃபேர்பிளே செயலில் ஐபிஎல் போட்டிகள் ஒளிபரப்பப்பட்டதால் தங்கள் நிறுவனத்துக்கு ரூ.100 கோடி வரை நஷ்டம் ஏற்பட்டதாக குறிப்பிட்டிருந்தது. இந்த புகார் தொடர்பாக வழக்குப்பதிவு செய்த போலீஸார், ஃபேர்பிளே செயலியின் ஊழியர் ஒருவரை கைது செய்தனர். மேலும் அச்செயலியை விளம்பரப்படுத்திய பிரபலங்களை விசாரணை செய்ய முடிவெடுத்தனர். அந்த வகையில் பாலிவுட் நட்சத்திரங்கள் பாட்ஷா, சஞ்சய் தத், ஜாக்குலின் பெர்னாண்டஸ், தமன்னா உள்ளிட்ட பலர் விசாரணைக்கு அழைக்கப்பட்டனர்.

கடந்த 23 ஆம் தேதி சஞ்சய் தத்துக்கு சைபர் கிரைம் போலீசார் விசாரணைக்கு ஆஜராகும்படி சம்மன் அனுப்பினர். ஆனால், தான் இந்தியாவில் இல்லாத காரணத்தால் தன்னால் ஆஜராக முடியவில்லை என சஞ்சய் தத் தரப்பில் விளக்கம் அளிக்கப்பட்டது. இதனைத் தொடர்ந்து தற்போது தமன்னாவிற்கு வருகிற 29ஆம் தேதி விசாரணைக்கு ஆஜராகும்படி சைபர் கிரைம் போலீசார் சம்மன் அனுப்பியுள்ளனர்.