முதல் டி20 போட்டியில் இந்திய அணி அபார வெற்றி!

Published on 21/12/2017 | Edited on 21/12/2017

முதல் டி20 போட்டியில் இந்திய அணி அபார வெற்றி!

இலங்கை உடனான முதல் டி20 போட்டியில் இந்திய அணி அபார வெற்றி பெற்றது.

இந்தியா வந்துள்ள இலங்கை அணி உடனான முதல் டி20 போட்டி கட்டாக்கில் உள்ள பராபட்டி மைதானத்தில் நடைபெற்றது. டாஸ் வென்ற இலங்கை அணி இந்திய அணியை பேட்டிங் செய்ய பணித்தது. முதலில் பேட்டிங் செய்த இந்திய அணி 20 ஓவர்கள் முடிவில் 3 விக்கெட்டுகள் இழப்புக்கு 180 ரன்கள் எடுத்திருந்தது. இந்திய அணியின் சார்பில் கேஎல் ராகுல் 61 ரன்களும், தோனி 39 ரன்களும் எடுத்திருந்தனர்.

181 ரன்கள் எடுத்தால் வெற்றி என்ற இலக்குடன் களமிறங்கிய இலங்கை அணியின் வீரர்கள், தொடக்கத்தில் இருந்தே விக்கெட்டுகளை பறிகொடுத்தனர். இந்நிலையில், 87 ரன்கள் எடுத்திருந்த நிலையில் அனைத்து விக்கெட்டுகளையும் இழந்தது. இதன் மூலம் 93 ரன்கள் வித்தியாசத்தில் இந்திய அணி அபார வெற்றி பெற்றது. இந்திய அணியின் சார்பில் யதுவேந்திர சஹால் 4, ஹர்தீக் பாண்டியா 3, குல்தீப் யாதவ் 2 மற்றும் உனத்காண்ட் 1 விக்கெட்டையும் வீழ்த்தினர்.