இந்தியா, ஆஸ்திரேலியா இடையே நடைபெறும் இரண்டாவது டி20 கிரிக்கெட் போட்டி!

Published on 10/10/2017 | Edited on 10/10/2017

இந்தியா, ஆஸ்திரேலியா இடையே நடைபெறும் இரண்டாவது டி20 கிரிக்கெட் போட்டி!

இந்தியாவில் ஐந்து ஒருநாள் மற்றும் மூன்று டி20 கிரிக்கெட் போட்டிகள் விளையாடுவதற்காக சுற்றுப்பயணம் மேற்கொண்டுள்ளது ஆஸ்திரேலிய கிரிக்கெட் அணி. இதில் ஒருநாள் கிரிக்கெட் போட்டிகளில் 1-4 என்ற கணக்கில் இந்திய அணியிடம் தொடரையும் பறிகொடுத்துள்ளது. இந்நிலையில், டி20 தொடரை வெல்லும் முனைப்போடு களமிறங்கினாலும், ராஞ்சியில் வைத்து நடைபெற்ற முதல் டி20 போட்டியில் பரிதாபமாக தோற்றது ஆஸ்திரேலிய அணி.

இதைத்தொடர்ந்து இரண்டாவது டி20 போட்டியில் இந்த இரண்டு அணிகளும் களமிறங்குகின்றன. கவுஹாத்தியில் வைத்து நடைபெறும் இந்த ஆட்டம் இரவு 8 மணிக்கு தொடங்குகிறது. இந்த ஆட்டத்தில் வெற்றிபெற்றால், ஆஸ்திரேலிய அணி தொடரை சமன்செய்யலாம். அதேசமயம், இந்திய அணி வெற்றிபெறும் பட்சத்தில் தொடரை வெல்லும். எனவே, இன்றைய ஆட்டத்தில் விறுவிறுப்பிற்கு பஞ்சமிருக்காது என எதிர்பார்க்கப்படுகிறது.