ஆண்டிபட்டியில் போலீசார் துப்பாக்கிச்சூடு - அமமுக அலுவலகத்தில் பதற்றம்

தேனி மாவட்டம்  ஆண்டிபட்டியில் பணப்பட்டுவாடா புகாரின் அடிப்படையில் அமமுக அலுவலகத்தில் தேர்தல் பறக்கும் படையினர் சோதனை நடத்தினர்.  இந்த சோதனையில் பணம் கைப்பற்றப்பட்டதாக தகவல்.  

சோதனையின்போது அமமுகவினர் - அதிகாரிகள் இடையே வாக்குவாதம் ஏற்பட்டது. காவலர்களை அலுவலகத்திற்குள் நுழைய அமமுகவினர் தடுத்தனர்.   போலீசாரை தாக்க முற்பட்டபோது,  பாதுகாப்பு கருதி போலீசார் வானத்தை நோக்கி  4 முறை    துப்பாக்கிசூடு நடத்தினர்.  இதனால் அப்பகுதியில் பதற்றம் நிலவுகிறது.

சம்பவ இடத்தில் தேனி மாவட்ட எஸ்.பி.  ஆய்வு நடத்தி வருகிறார்.