லாரி டிரைவர்கள் திடீர் போராட்டம்

Published on 13/08/2017 | Edited on 13/08/2017

லாரி டிரைவர்கள் திடீர் போராட்டம்

கொருக்குப்பேட்டை ஜெ.ஜெ.நகரை சேர்ந்தவர் தேசிங்கு (40), குடிநீர் ஒப்பந்த லாரி டிரைவர். தண்டையார்பேட்டை சுந்தரம் பிள்ளை நகரை சேர்ந்தவர் ஜெயசூர்யா, லாரி கிளீனர். இவர்கள், நேற்று முன்தினம் இரவு லாரியில் குடிநீர் ஏற்றிக்கொண்டு கொருக்குப்பேட்டை மீனாம்பாள் நகருக்கு சென்றனர். அங்கு போக்குவரத்துக்கு இடையூறாக இருந்த ஆட்டோவை அகற்றியபோது, ஏற்பட்ட தகராறில் ஆட்டோ டிரைவர் மற்றும் அப்பகுதியை சேர்ந்த 7 பேர், தேசிங்கு, ஜெயசூர்யா ஆகியோரை அடித்து உதைத்தனர். இதை கண்டித்து ஒப்பந்த லாரி டிரைவர்கள் சுமார் 40 பேர் தண்டையார்பேட்டை குடிநீரேற்று நிலையம் முன்பு நேற்று திடீர் போராட்டம் நடத்தினர். ஆர்கே.நகர் போலீசார் விசாரிக்கின்றனர்.