தமிழக காங்கிரஸ் பொதுக்குழு கூட்டம்

Published on 06/10/2017 | Edited on 06/10/2017

தமிழக காங்கிரஸ் பொதுக்குழு கூட்டம்

தமிழக காங்கிரஸ் கட்சியின் தலைவராக தங்கபாலு இருந்தபோது, 1998ல் தமிழக காங்கிரஸ் கட்சியின் பொதுக்குழு கூட்டம், நடிகர் சங்க கட்டடத்தில் நடந்தது. அதன்பின், 19 ஆண்டுகளுக்கு பின், புதிய உறுப்பினர்களுடன், பொதுக்குழு கூட்டம், இன்று நடக்கிறது. சென்னை, தேனாம்பேட்டை காமராஜர் அரங்கத்தில், நடக்கும் பொதுக்குழு கூட்டத்திற்கு, மாநிலத் தலைவர், திருநாவுக்கரசர் தலைமை வகிக்கிறார். சமீபத்தில் நடத்தி முடிக்கப்பட்ட உட்கட்சி தேர்தலில், தேர்வு செய்யப்பட்ட பொதுக்குழு உறுப்பினர்கள் பங்கேற்கின்றனர்.

பொதுக்குழு கூட்டத்தில், அகில இந்திய காங்கிரஸ் தலைவராக, ராகுலை தேர்வு செய்ய வலியுறுத்தி, தீர்மானம் நிறைவேற்றப்பட உள்ளது. மேலும், அகில இந்திய நிர்வாகிகள், மாநில நிர்வாகிகள், அகில இந்திய, காங்கிரஸ் உறுப்பினர்களை நியமிக்க, காங்கிரஸ் தலைவர் சோனியா, துணைத் தலைவர் ராகுல் ஆகியோருக்கு அங்கீகாரம் வழங்கியும், தீர்மானம் நிறைவேற்றப்படலாம் என தகவல்கள் வெளியாகி உள்ளன.