காவல் நிலையத்தில் இருந்து ரவுடி தப்பி ஓட்டம்

Published on 09/08/2017 | Edited on 09/08/2017

காவல் நிலையத்தில் இருந்து ரவுடி தப்பி ஓட்டம்

சென்னை அருகே படப்பை அடுத்த சிறுமாத்தூர் பகுதியை சேர்ந்தவர் பூபாலன் பிரபல ரவுடி. இவர் மீது மணிமங்கலம், சோமங்கலம் மற்றும் ஓட்டேரி உள்ளிட்ட பல்வேறு காவல் நிலையங்களில் வழிப்பறி, கொலை மிரட்டல், செயின் பறிப்பு போன்ற பல வழக்குகள் நிலுவையில் உள்ளன. நேற்று முன்தினம் படப்பை பகுதியில் மணிமங்கலம் போலீசார் வாகன தணிக்கையில் ஈடுபட்டபோது அவ்வழியாக வந்த பூபாலனை மடக்கிப் பிடித்தனர்.

இதனால் பூபாலனை போலீசார் கைது செய்து விசாரணைக்காக சோமங்கலம் காவல் நிலையத்தில் வைத்திருந்தனர். நேற்று காலை பூபாலன், பாத்ரூம் செல்லவேண்டும் என போலீசாரிடம் கேட்டு சென்றுள்ளார். பின்னர் அவர் வரவில்லை. சந்தேகம் அடைந்த போலீசார் அவரை தேடி பார்த்தனர். பூபாலன் தப்பியதை அறிந்து அதிர்ச்சி அடைந்தனர். இதுகுறித்து வழக்குப்பதிவு செய்த போலீசார், பூபாலனை தேடி வருகின்றனர்.