அரசியல் உலகில் அடியெடுத்து வைக்கும் ரஜினி! ஆர்ப்பரிக்கும் தென் மாவட்ட ரசிகர்கள்!

Published on 01/01/2018 | Edited on 01/01/2018

அரசியல் உலகில் அடியெடுத்து வைக்கும் ரஜினி! ஆர்ப்பரிக்கும் தென் மாவட்ட ரசிகர்கள்!

அரியாசனம் நோக்கமல்ல. மக்கள் பணியே மகத்தானது என்ற வெளியீட்டுடன் 2018 புதிய வருட ஆரம்பத்தில் அரசியல் உலகில் அடியெடுத்து வைத்துள்ளார் சூப்பர் ஸ்டார் ரஜினிகாந்த்.

அவரது தென்மாவட்ட ரசிகர்கள் அதிரி புதிரியான ஆர்ப்பரிப்புடன் இருக்கிறார்கள். ஆங்காங்கே சரவெடி வெடித்துத் தங்களின் வரவேற்பையும் மகிழ்ச்சியையும் பகிர்ந்து கொண்டிருக்கிறார்கள்.

நெல்லை மாவட்டத்தி்ன நெல்லை வள்ளியூர், அம்பை, திசையன்விளை ராதாபுரம் சங்கரன்கோவில் தென்காசி, கடையநல்லூர், புளியங்குடி ஆலங்குளம் பகுதிகளில் வெடிச் சப்தம் காதைப் பிளக்கிறது.

ராதாபுரத்தில் ரஜினி ஒன்றிய பொறுப்பாளர் குமரகுரு, ஒன்றிய செ. ரஜினி சுடர் தலைமையில் பஜாரில் வெடிப்போட்டுக் கொண்டாடினர். அம்பை ஒன்றிய செ. பட்டுசாமி பாண்டியன் தலைமையில் அம்பையிலும், பாளையில் ரஜினி மன்றத்தலைவர் பானுசேகர் தலைமையில் பாளை நெல்லையிலும் ரஜினி ரசிகர்கள் வெடிப்போட்டு ரஜினியின் அரசியல் வரவேற்பைக் கொண்டாடினார்கள்.

அதே போன்று தூத்துக்குடி நகரின் பழைய பேருந்து நிலையம் முன்பாகவும், கோவில்பட்டியில் மெயின் சாலையில் உள்ள தேவர் சிலை முன்பாக நகர அனைத்து ரசிகர்கள் மன்ற பொறுப்பாளர் ராஜன் தலைமையில் திரண்டு வந்த ரசிகர்கள் வெடிப் போட்டும் இனிப்பு வழங்கியும் தங்கள் உணர்வுகளைப் பகிர்ந்து கொண்டார்கள்.

-பரமசிவன்

படங்கள்: ப.இராம்குமார்