மாணவ மாணவிகள் காதல் காட்சிகளை தவிர்க்க வேண்டும்: கு.ந.ச. வேண்டுகோள்

குழந்தைகள் திருமணங்களை தடுப்பது தொடர்பான கருத்தரங்கம் சென்னை தியாகராயர் நகரில் இன்று நடந்தது. இந்த நிகழ்ச்சியில் சமூகநல ஆணையர் அமுதவள்ளி, தமிழ்நாடு குழந்தைகள் நலச் சங்கம் நிர்மலா உள்ளிட்ட பலர் கலந்து கொண்டனர்.
 

இதனைத் தொடர்ந்து செய்தியாளர்களிடம் பேசிய நிர்மலா, குழந்தைகள் திருமணத்தில் தேசிய அளவில் உத்திரப்பிரதேசம் முதலிடத்தில் உள்ளது. தமிழக அளவில் சென்னை முதலிடத்தில் உள்ளது. தமிழ்த் திரைப்படங்களில் சீருடையில் இருக்கும் பள்ளி மாணவ, மாணவிகள் காதல் செய்யும்போன்ற காட்சிகளுக்கு திரைப்பட தணிக்கைத்துறை தடை விதிக்க வேண்டும். திரைப்படங்களில் இதுபோன்ற காட்சிகளை தவிர்க்க வேண்டும் என்றார்.