சுகாதார சீர்கேடு - பொதுமக்கள் சாலைமறியல்

Published on 11/12/2017 | Edited on 11/12/2017

சுகாதார சீர்கேடு - பொதுமக்கள் சாலைமறியல்

வழுக்குபாறை பகுதியில் தண்ணீர் வருவதில்லை மற்றும் சுகாதார சீர்கேடு நிலவுவதாக கூறி பொதுமக்கள் சாலைமறியல் போராட்டத்தில் ஈடுபட்டனர்.

கோவையை அடுத்த வழுக்குபாறை பகுதியில் ஒரு மாதத்திற்கு ஒருமுறை மட்டுமே தண்ணீர் வருவதாவும், இது குறித்து அதிகாரிகளும் பொதுமக்கள் புகார் அளித்தும் எந்தவித நடவடிக்கையும் எடுக்கவில்லை. மேலும் அப்பகுதியில் சாக்கடைகள் ஏதும் சுத்தம் செய்யப்படாததால் சுகாதார சீர்கேடு நிலவுகிறது என்றும், இதுவரை அப்பகுதியில் நிலவும் பிரச்சனைகளை சரி செய்யவில்லை எனக் கூறியும் அப்பகுதி பொதுமக்கள் திடீரென சாலை மறியல் போராட்டத்தில் ஈடுபட்டனர்.

இதன் காரணமாக அப்பகுதியில் போக்குவரத்து பாதிக்கப்பட்டது. உடனடியாக சம்பவ இடத்திற்கு வந்த காவல் துறையினர் அவர்களிடம் பேச்சுவார்த்தை நடத்தி , தண்ணீர் விநியோகம் சீராக நடைபெற உரிய நடவடிக்கை எடுக்கப்படும் என உறுதியளித்ததையடுத்து போராட்டத்தை கைவிட்டனர்.

அருள்