அரசு கேபிள் டிவியில் இரண்டு விதமான பேக்கேஜ்?

 
நடந்து முடிந்த 22 சட்டமன்றத் தொகுதி இடைத்தேர்தலின்போது பிரச்சாரத்தில் திமுக கொடுத்த வாக்குறுதிகளை நாம் கையில் எடுத்து ஒன்றிரண்டை நிறைவேற்றினால் எதிர்வரும் சட்டமன்றத் தேர்தலுக்கு உதவியாக இருக்கும் என்று நினைக்கிறது அதிமுக தலைமை. 

 

ஏற்கனவே திமுக கொடுத்த வாக்குறுதிகளில் ஒன்றான நகைக்கடன் தள்ளுபடி என்பதை, நாம் நிறைவேற்ற முடியுமா? அதற்காக ஆகும் செலவு என்ன என்பது குறித்து விசாரிக்க சொல்லியிருக்கும் அதிமுக தலைமை, கடந்த வாரம் அரசு கேபிள் டிவி கட்டணத்தை திடீரென குறைத்து அறிவிப்பு வெளியிட்டது. 
 

அதில் ரூபாய் 120க்கு ஒரு பேக்கேஜ், ரூபாய் 160க்கு ஒரு பேக்கேஜ் என இரண்டு விதமான பேக்கேஜ்களை அறிவிக்க திட்டமிட்டுள்ளது. ரூபாய் 120க்கு அனைத்து இலவச சேனல்களையும், ரூபாய் 160க்கு கட்டண சேனல்களையும் கொடுக்க ஆலோசித்து வருகிறார்கள் என்று தமிழக கேபிள் டிவி வட்டாரங்கள் தெரிவிக்கின்றன.