இரட்டை இலை யாருக்கு? விசாரணை தொடங்கியது

Published on 23/10/2017 | Edited on 23/10/2017

இரட்டை இலை யாருக்கு? விசாரணை தொடங்கியது

டெல்லி தலைமை தேர்தல் ஆணையத்தில் இரட்டை இலை சின்னம் தொடர்பான விசாரணை தொடங்கியது.

இரட்டை இலை சின்னம் யாருக்கு என்பது தொடர்பான தேர்தல் ஆணையத்தில் விசாரணை தொடங்கி நடக்கிறது. ஏற்கனவே 2 கட்ட விசாரணை முடிந்த நிலையில் தற்போது மீண்டும் விசாரணை நடைபெறுகிறது.

ஓபிஎஸ் - ஈபிஎஸ் மற்றும் டிடிவி தினகரன் தரப்பினர் விசாரணையில் ஆஜராகியுள்ளனர். நவ.10க்குள் சின்னம் யாருக்கு என்பது பற்றி முடிவு எடுக்க வேண்டும் என நீதிமன்றம் ஆணையிட்டுள்ளது. 6 பிரமாணப் பத்திரங்கள் போலியானவை என டிடிவி தரப்பில் ஏற்கனவே கூறப்பட்ட புகாருக்கு ஈபிஎஸ் தரப்பில் இன்று பதில் கூறப்படுகிறது.

இதனிடையே டிடிவி தினகரன் தரப்பில் தேர்தல் ஆணையத்தில் புதிதாக 2 புகார் மனுக்கால் தாக்கல் செய்யப்பட்டுள்ளது. ஈபிஎஸ் தரப்பில் தாக்கல் செய்யப்பட்டுள்ள 6 பிரமாணப் பத்திரங்கள் போலியானவை என்றும் மோடியால் ஈபிஎஸ் அணிக்கே சின்னம் கிடைக்கும் என கூறிய ராஜேந்திர பாலாஜி மீது நடவடிக்கை தேவை என்றும் டிடிவி தினகரன் தரப்பில் தேர்தல் ஆணையத்தில் புகார் தெரிவிக்கப்பட்டுள்ளது.