ஆர்.கே.நகரில் இடைத்தேர்தல்: விஷால் இன்று வேட்பு மனு தாக்கல்

Published on 04/12/2017 | Edited on 04/12/2017

ஆர்.கே.நகரில் இடைத்தேர்தல்: விஷால் இன்று வேட்பு மனு தாக்கல்

ஆர்.கே.நகரில் இடைத்தேர்தலில் போட்டியிட உள்ள நடிகர் விஷால் இன்று வேட்பு மனு தாக்கல் செய்ய உள்ளார்.

ஆர்.கே..நகர் தொகுதியில் வரும் 21-ம் தேதி இடைத்தேர்தல் நடைபெற உள்ளது. அதிமுக சார்பில் மதுசூதனனும், திமுக சார்பில் மருது கணேஷூம் போட்டியிடுகின்றனர். இவர்கள் இருவரும் கடந்த 1-ம் தேதி தங்களுடைய வேட்பு மனுவை தாக்கல் செய்தனர்.

இதில் திமுக வேட்பாளர் மருது கணேஷூக்கு காங்கிரஸ், இ.கம்யூ., மா.கம்யூ,. மதிமுக. உள்ளிட்ட கட்சிகள் ஆதரவு தெரிவித்துள்ளது. இந்நிலையில் நடிகரும், தயாரிப்பாளர் சங்க தலைவருமான விஷால் ஆர்.கே.நகர் தொகுதியில் போட்டியிட இன்று வேட்பு மனு தாக்கல் செய்ய உள்ளார்.

சென்னை ராமாபுரம் எம்.ஜி.ஆர் இல்லத்தில் இன்று காலை 9 மணிக்கு மரியாதை செலுத்துகிறார் நடிகர் விஷால். இதையடுத்து காலை 10 மணி அளவில் மெரினாவில் உள்ள ஜெயலலிதா நினைவிடத்தில் மரியாதை செலுத்துகிறார். பின்னர் ஆர்.கே.நகர் தொகுதியில் இன்று பகல் 12.30 மணிக்கு வேட்புமனு தாக்கல் செய்கிறார்.