சிம்பு தற்போது 'அத்தாரின்டிகி தாரேதி’ படத்தின் தமிழ் ரீமேக்கில் நடித்து வருகிறார். சுந்தர்.சி இயக்கிகொண்டிருக்கும் இப்படத்தில் சிம்புவுக்கு ஜோடியாக மேகா ஆகாஷ் நடித்து வருகிறார். மேலும் கேத்ரின் தெரசா, யோகிபாபு, மகத், ரம்யா கிருஷ்ணன் உள்ளிட்ட பலர் முக்கிய கதாபாத்திரத்தில் நடித்து வருகிறார்கள். இப்படத்தின் படப்பிடிப்பு விறுவிறுப்பாக நடைபெற்று வரும் நிலையில் படத்திற்கு வந்தா ராஜாவாதான் வருவேன்’ என பெயரிடப்பட்டுள்ள பர்ஸ்ட் லுக் போஸ்டர் நேற்று வெளியாகி வைரலாகி வருகிறது. லைகா நிறுவனம் தயாரித்து வரும் இப்படம் பொங்கல் தினத்தன்று வெளியாவதாக அறிவிக்கப்பட்டுள்ளது.