Skip to main content

ஹிந்தி விக்ரம் இவர், வேதா அவர்!

Published on 21/04/2018 | Edited on 23/04/2018
shahrukhan


கடந்த ஆண்டு மாதவன், விஜய் சேதுபதி நடிப்பில் வெளியான ‘விக்ரம் வேதா’ படம் மாபெரும் வெற்றிபெற்றது. புஷ்கர்-காயத்ரி இயக்கத்தில் உருவான இப்படத்தை ஹிந்தியில் ‘ரீமேக்’ ஆக இருக்கிறது. இதில் நடிகர் ஷாருக்கான் நடிக்க இருப்பதாக செய்திகள் வெளியாகி உள்ளன. தமிழில் விஜய் சேதுபதி நடித்த கதாபாத்திரத்தில் ஷாருக்கான் நடிக்க விரும்புவதாகவும், மாதவன் தமிழில் நடித்த பாத்திரத்தில் இந்தியிலும் அவரே நடிக்க வேண்டும் என்று ஷாருக்கான் விரும்புவதாக தகவல்கள் வெளியாகியுள்ளன. இதையடுத்து முன்னதாக ஹிந்தி ரீமேக்கை புஷ்கர்-காயத்ரியே இயக்குவார்கள் என்று கூறப்பட்ட நிலையில் தற்போது இப்படத்தை நீரஜ்பாண்டே இயக்க வேண்டும் என்று ஷாருக் விரும்புவதாக கூறப்படுகிறது. இந்நிலையில் இந்த கோரிக்கைகள் எல்லாம் நிறைவேற்றப்பட்டால் நிச்சயம் இந்தி ரீமேக்கில் ஷாருக்கான் நடிப்பார் என்று இந்தி பட உலகில் பரவலாக பேசப்படுகிறது.

சார்ந்த செய்திகள்

Next Story

மீண்டும் விக்ரம் வேதா கூட்டணி 

Published on 15/06/2018 | Edited on 16/06/2018
madhavan


2016ஆம் வெளியான 'இறுதிச்சுற்று' படம் மூலம் தனது இரண்டாவது ரவுண்டில் வெற்றிகரமாக வலம் வர தொடங்கிய நடிகர் மாதவனுக்கு அடுத்ததாக வெளியான 'விக்ரம் வேதா' படமும் நல்ல பெயரை வாங்கி தந்தது. இப்படத்தில் மாதவனுக்கு ஜோடியாக ஸ்ரத்தா ஸ்ரீநாத் நடித்திருந்தார். இவர்களின் கெமிஸ்ட்ரி இப்படத்தில் அதிகம் பேசப்பட்ட நிலையில் தற்போது இந்த ஜோடி மீண்டும் ஒரு புதிய படத்தில் ஜோடி சேர உள்ளது. மாதவன் அடுத்ததாக ‘மாறா’ என்ற படத்தில் நடிக்க இருக்கிறார். அறிமுக இயக்குனர் திலிப் குமார் இயக்கும் இப்படத்தின் படப்பிடிப்பு வரும் ஜூன் 18ஆம் தேதி தொடங்க இருப்பதாக தகவல் வெளியாகி இருக்கிறது. 

Next Story

மாதவனுக்கு ஊட்டி விட்ட ஷாருக்கான் 

Published on 04/06/2018 | Edited on 06/06/2018

விக்ரம் வேதா படத்திற்கு பிறகு தோள்பட்டையில் ஏற்பட்ட காயத்துக்காக அறுவை சிகிச்சை செய்து கொண்ட மாதவன், சில மாதம் வீட்டில் ஓய்வு எடுத்து வந்தார். இதையடுத்து பூரண குணமடைந்த அவர் தற்போது ஷாருக்கான் நடித்து வரும் ‘ஜீரோ’ படத்தில் ஒரு முக்கிய கதாபாத்திரத்தில் நடித்து வருகிறார். இந்நிலையில், இன்று கடந்த ஜூன் 1ஆம் தேதி தனது பிறந்த நாளை 'ஜீரோ' படக்குழுவினருடன் கேக் வெட்டி கொண்டாடினார் மாதவன். அப்போது மாதவனுக்கு நடிகர் ஷாருக்கான் கேக் ஊட்டிய புகைப்படம் சமூக வலைத்தளங்களில் வெளியாகியுள்ளது. மேலும் ஜீரோ படத்தின் இயக்குனர் ஆனந்த் எல் ராய், நடிகை அனுஷ்கா சர்மா மற்றும் படக்குழுவினர் மாதவனுக்கு வாழ்த்து கூறிய புகைப்படங்களும் வெளியாகியுள்ளது.