Published on 18/12/2021 | Edited on 18/12/2021
பெங்களூருவைச் சேர்ந்த ரஜினி ரசிகர் தனது மகள் சவுமியா உடல்நிலை சரியில்லை, அவர் உங்களைப் பார்க்க ஆசைப்படுகிறார் என வீடியோ ஒன்றை பதிவுசெய்து ரஜினிகாந்த் அலுவலகத்திற்கு அனுப்பியிருந்தார்.
இதனைத்தொடர்ந்து நடிகர் ரஜினிகாந்த், அந்த ரசிகரின் மகளுக்கு ஆறுதல் கூறும் வகையில் வீடியோ ஒன்றை வெளியிட்டுள்ளார். அதில், "சவுமியா எப்படி இருக்க, உனக்கு ஒன்னும் ஆகாது. என்னை மன்னித்துவிடு கண்ணா. நான் வந்து உன்னைப் பார்க்க முடியாது. எனக்கும் கொஞ்சம் உடல்நிலை சரியில்லை. இல்லையென்றால், உன்னை வந்து நான் சந்தித்திருப்பேன். தைரியமா இரு, ஆண்டவனிடம் உனக்காக நான் வேண்டுகிறேன்" என தெரிவித்துள்ளார். தற்போது இந்த வீடியோ சமூக வலைதளங்களில் வைரலாகிவருகிறது.
