தமிழ் சினிமாவில் இசையமைப்பாளராக அறிமுகமான ஆதி, ‘மீசைய முறுக்கு’, ‘நட்பே துணை’, உள்ளிட்ட படங்களில் நடித்து பிரபலமானார். இவர் நடிப்பில் கடைசியாக வெளிவந்த ‘அன்பறிவு’ படம் ரசிகர்களிடையே வரவேற்பைப் பெற்றது. இதனைத் தொடர்ந்து மரகத நாணயம் படத்தை இயக்கிய ஏ.ஆர்.கே சரவண் இயக்கும் 'வீரன்' படத்தில் நடித்துள்ளார்.
இந்நிலையில் ஆதி நடிக்கும் அடுத்த படம் குறித்த அறிவிப்பு தற்போது வெளியாகியுள்ளது. இப்படத்தை ஐசரி கணேஷ் தயாரிக்க ஆதி கதாநாயகனாகவும் இசையமைப்பாளராகவும் பணியாற்றவுள்ளார். இப்படத்தை 'நெஞ்சமுண்டு நேர்மையுண்டு ஓடு ராஜா' படத்தை இயக்கிய கார்த்திக் வேணுகோபாலன் இயக்குகிறார். இதனைத் தெரிவித்து படத்தின் மோஷன் போஸ்டர் போல ஒரு வீடியோவையும் வெளியிட்டுள்ளனர்.
இந்த வீடியோவை பார்க்கையில் ஆதி கனகவேல் கதாபாத்திரத்தில் ஒரு பள்ளியில் உடற்பயிற்சி ஆசியராக நடித்துள்ளது போல் தெரிகிறது. மேலும் விளையாட்டை மையப்படுத்தி இப்படம் உருவாகவுள்ளதாகவும் அமைந்துள்ளது. இப்படத்தின் படப்பிடிப்பு ஆரம்பித்துள்ளதாக படக்குழு அறிவித்துள்ளது.
We at @VelsFilmIntl are glad to associate with @hiphoptamizha for his Next #HHT7.
A #HipHopTamizha Musical
Directed by @karthikvenu10
Produced by @IshariKGanesh @editor_prasanna @madheshmanickam @thinkmusicindia @Ashkum19 @proyuvraaj pic.twitter.com/roxb6wG2JK— Vels Film International (@VelsFilmIntl) November 14, 2022
