Skip to main content

’விஜயகாந்த் சிங்க கர்ஜனையுடன் மீண்டும் வருவார்’- பிரேமலதா விஜயகாந்த்

Published on 27/11/2018 | Edited on 27/11/2018
v

 

திண்டுக்கல் மாவட்டத்தில் உள்ள கொடைக்கானல் மற்றும் கீழ் மலை, மேல்மலை பகுதிகளில் கஜா புயல் கோரத்தாண்டவம்  ஆடியதின் மூலம் மலை கிராம மக்கள் பெரிதும் பாதிக்கப்பட்டனர்.  அப்படி இருந்தும் கூட ஆளும் கட்சியை விட திமுக உள்ளிட்ட எதிர்க்கட்சிகள் தான் பாதிக்கப்பட்ட மக்களுக்கு தொடர்ந்து நிவாரண உதவிகள் வழங்கி ஆறுதல் கூறி வருகிறார்கள்.

 

 இந்த நிலையில் தான் கொடைக்கானல் மலை கிராம மக்களுக்கு நிவாரண உதவிகள் வழங்கி ஆறுதல் கூறுவதற்கு தேமுதிக கட்சியின் மாநில பொருளாளர் பிரேமலதா விஜயகாந்த் மற்றும் கழக துணை செயளாலர் சுதிஸ் மற்றும் விஜயகாந்த் மகன் விஜயபிரபாகரன் ஆகியோர் வத்தலகுண்டு வழியாக வந்த போது வத்தலகுண்டு ஒன்றிய செயளாலர் கருத்த பாண்டி தலைமையில் கட்சி பொறுப்பாளர்கள்  அய்யம்பாளையம் பிரிவில் சிறப்பான வரவேற்பு கோடுத்தனர்.

 

v

 

 அப்பொழுது பட்டிவீரன்பட்டி பேருர் கழக செயளாலர் நாகேந்திரன் சுவிதா தம்பதியரின் மகனுக்கு பெயர் வைக்க வேண்டும் என வலியுறுத்திதால் அதை தொடர்ந்து அந்த குழந்தைக்கு  தவசிகாந்த் என்று பெயர் சூட்டினார். 


     அதன் பின்னர் கொடைக்கானல்  சென்ற பிரேமலதா கொடைக்கானலில் பாதிக்கப்பட்ட கல்லறை மேடு புதுக்காடு பேத்துப்பாறை உள்ளிட்ட இடங்களை பார்வையிட்டார்.  அதன் பின் குஞ்சுகள் விளையாட்டு மைதானத்தில் புயலால் பாதிக்கப்பட்டவர்களுக்கு சுமார் 5 லட்சம் மதிப்புள்ள நலத்திட்ட உதவிகளை பிரேமலதா விஜயகாந்த் வழங்கினார்.

 

  அதன்பின் பத்திரிகையாளர்களிடம் பேசிய பிரேமலதா விஜயகாந்த்,   கஜா புயலால் பாதித்த அடுத்த நாளே பாதிக்கப்பட்ட மாவட்டங்களில் தேமுதிக சார்பில் நிவாரண பொருட்கள் வழங்கப்பட்டன.  இரண்டாம் கட்டமாக திண்டுக்கல் மாவட்டத்தில் கொடைக்கானல்,  வேடசந்தூர்,  நத்தம் பகுதிகளில் புயலால் பாதிக்கப்பட்ட இடங்களை பார்வையிட்டு நிவாரணம் வழங்கியுள்ளோம்.  அதனைத் தொடர்ந்து 28.29 தேதிகளில் புதுக்கோட்டையிலும் தஞ்சை வேதாரண்யம், திருவாரூர் பகுதிகளுக்கும் சென்று புயலால் பாதிக்கப்பட்ட இடங்களை பார்வையிட்டு நிவாரண உதவிகள் வழங்க இருக்கிறேன்.

 

v

 

 கொடைக்கானல் பகுதியில் மிகப்பெரிய பாதிப்பு ஏற்பட்டுள்ளது. வீடுகள் மரங்கள் மின் கம்பங்கள் சேதம் அடைந்துள்ளன.  இதற்கு காரணம் தைல மரங்கள் தான்.  இவை அடிக்கடி விழுவதால் உயிரிழப்புகள் ஏற்படுகின்றன. எனவே ஆபத்தினை  விளைவிக்கக்கூடிய அனைத்து மரங்களையும் அகற்றவேண்டும் . கொடைக்கானலில் பல ஆண்டுகளாக எந்தவிதமான அபிவிருத்தி திட்டங்களும் நடைபெற உள்ள புயல் பாதிப்புக்கு ஆயிரம் கோடி ஒதுக்கீடு செய்யப்படும் என வெறும் வாயால் மட்டுமே முதலமைச்சர் கூறியுள்ளார்.  அத்துடன் மத்திய அரசிடம் 15,000 கோடி கேட்டுள்ளார்.  அது எப்போது கிடைக்கும் என்று தெரியவில்லை.  முதலமைச்சரும் கட்சி நிர்வாகிகளும் மக்களை சந்திக்க பயப்படுகின்றன.  ஆனால் மக்கள் கொந்தளிப்பு கொந்தளிப்பில் உள்ளனர். 10 நாட்களாக குடிக்க தண்ணீர் இல்லாமல் மறியல் செய்கின்றனர்.  பயந்து ஓடுவார்கள் ஆட்சிக்கு தேவையில்லை.  அப்படி ஓடிக்கொண்டிருந்தால் மக்கள் உங்களை ஓட வைக்கும் நாள் விரைவில் வரும் பாதிக்கப்பட்ட மக்களை நேரில் சந்தித்து அவர்களது குறைகளை கேளுங்கள் 20 தொகுதி இடைத் தேர்தல் தேதி அறிவிக்கப்பட்ட பின்னர் கூட்டணி குறித்து முடிவு செய்யப்படும் தெளிவாக உள்ளனர்.  மாற்றத்துக்காக அவர்கள் தயாராகி வருகின்றனர்.  விஜயகாந்த் சிங்க கர்ஜனையுடன் மீண்டும் வருவார்’’ என்று கூறினார்
.

அதைத் தொடர்ந்து வேடசந்தூர் அருகே உள்ள தொட்டியில் கஜா புயலால் பாதிக்கப்பட்ட மக்களை சந்தித்து பிரேமலதா விஜயகாந்த் ஆறுதல் கூறினார்.
 பிரேமலதா விஜயகாந்த் உடன் மாவட்ட செயலாளர் பாலசுப்பிரமணி துணைச் செயலாளர் செந்தில்குமார் நகர செயலாளர் மோகன் பொருளாளர் கருணாநிதி ஒன்றிய செயலாளர் கணேசன் துணைச் செயலாளர் மகேந்திரன் உள்பட கட்சிப் பொறுப்பாளர்கள் பலர் கலந்து கொண்டனர்.

சார்ந்த செய்திகள்

Next Story

“கொட்டும் முரசு சின்னம் தேமுதிகவுக்கு மட்டுமே  சொந்தம்” - சீமான் பேச்சுக்கு விஜயகாந்த் மகன் பதிலடி

Published on 11/03/2024 | Edited on 11/03/2024
Vijayakanth son of Seaman said that Murasu symbol belongs only to dmdk

திண்டுக்கல் மாவட்டத்தில் உள்ள வத்தலக்குண்டு ஒன்றிய பகுதிகளில் தேமுதிக நிறுவனத் தலைவர் மறைந்த விஜயகாந்த் மகன் விஜய பிரபாகரன் வருகை தந்தார். அப்போது வத்தலகுண்டு காளியம்மன் கோவில், புதுப்பட்டி, விராலிப்பட்டி, குன்னூத்துப்பட்டி ஆகிய பகுதிகளில் தேமுதிக கொடியை ஏற்றி வைத்த விஜய பிரபாகரன் பொதுமக்களுக்கு அன்னதானம் வழங்கினார்.

அதனைத் தொடர்ந்து தேமுதிக நிர்வாகி இல்ல விழாவில் பங்கேற்று மேடையில் பேசிய விஜய பிரபாகரன் சீமானுக்கு பதிலடி கொடுக்கும் வகையில் பேசும்போது, “திமுக - அதிமுக ஆகிய இரண்டு கட்சிகளை தொடர்ந்து தமிழ்நாட்டில் தேர்தல் ஆணையம் அங்கீகாரம் பெற்ற மூன்றாவது கட்சி தேமுதிக மட்டுமே. பத்தாண்டுகள் தோல்விகளை சந்தித்து இருந்தாலும் கொட்டு முரசு சின்னம் தேமுதிகவின் சொத்தாக உள்ளது. அண்ணன் சீமான் கொட்டு முரசு சின்னம் தேமுதிகவுக்கு இல்லை என்றது போல் தவறான பரப்புரைகளில் ஈடுபட்டு, தேமுதிக தொண்டர்களையும் பொதுமக்களையும் குழப்பத்தில் ஆழ்த்தக் கூடாது.

மேலும் ஹீரோக்களை நம்பி வாக்களிப்பது, ஜாதியை பார்த்து வாக்களிப்பது என்பது இருந்துவிடக் கூடாது. தமிழ் மக்களின் நலன் காப்பவர்கள் மீது நம்பிக்கை கொண்டு வாக்களிக்க வேண்டும்” என்று கூறினார். இந்த விழாவில் நகரம், ஒன்றியம், மாவட்ட பொறுப்பாளர்கள் பெரும்பாலானோர் கலந்து கொண்டனர்.

Next Story

சர்வதேச நார்வே தமிழ்த் திரைப்பட விழாவில் விஜயகாந்த் பெயரில் விருது!

Published on 22/02/2024 | Edited on 22/02/2024
Award in the name of Vijayakanth at the International Norway Tamil Film Festival!

15 வது சர்வதேச நார்வே தமிழ்த் திரைப்பட விழா மற்றும் விருதுக்கு தேர்வு செய்யப்பட்ட படங்கள் அறிவிப்பு நிகழ்ச்சி மற்றும் ‘வீரத்தின் மகன்’ திரைப்பட திரையிடல் சென்னை பிரசாத் லேபில் நடைபெற்றது. இந்த நிகழ்வில் தயாரிப்பாளரும், இயக்குநருமான வி.சி.குகுநாதன், நடிகர் போஸ் வெங்கட், இயக்குநர் கெளரவ், தயாரிப்பாளர்கள் சங்க செயற்குழு உறுப்பினர் விஜயமுரளி, இயக்குநர் கலைப்புலி ஜி.சேகரன், பி.ஆர்.ஓ சங்க முன்னாள் செயலாளர் பெரு துளசி பழனிவேல் உள்ளிட்ட பலர் கலந்து கொண்டார்கள்.

நார்வே தமிழ்த் திரைப்பட விழாவின் இயக்குநர் வசீகரன் சிவலிங்கம் பேசுகையில், “ஆஸ்கார் உள்ளிட்ட வெளிநாட்டு விருதுகள் மற்றும் திரைப்பட விழாக்களின் பின்னால் நம் மக்கள் ஓடிக்கொண்டிருக்கிறார்கள். ஆனால், உலகம் முழுவதும் வாழும் தமிழர்களுக்கு என்று தனியான திரைப்பட விழாக்கள் இல்லை. சுமார் 222 நாடுகளில் வசிக்கும் தமிழர்களுக்கும், அவர்களது படைப்புகளுக்கும் தனி அங்கீகாரம்  கிடைக்க வேண்டும், அதற்காக தமிழர்களுக்கான திரைப்பட விழா ஒன்றை உருவாக்க வேண்டும் என்று நான் கடந்த 2000 ஆம் ஆண்டு முதல் நினைத்து வந்தேன். பிறகு 20210 ஆம் ஆண்டு அதற்கான முதல் அஸ்த்திவாரத்தை அமைத்து, சிறுக சிறுக என்று இன்று மிகப்பெரிய விழாவாக நார்வே தமிழ்த் திரைப்பட விழாவை நடத்திக் கொண்டிருக்கிறோம்.

நாம் ஆரம்பிக்கும் போது எனக்கு எந்தவித ஆதரவும் கிடைக்கவில்லை. நார்வே நாட்டில் 15 ஆயிரம் மக்கள் தான் இருப்பார்கள், ஏதோ ஒரு திரைப்பட விழா என்று தான் நினைப்பார்கள். ஆனால், இன்று சுமார் இரண்டரை கோடிக்கு மேல் நான் விதைத்திருக்கிறேன். நம் படைப்புகளை உலகளவில் கொண்டு செல்ல வேண்டும் என்பதற்கான முயற்சி தான் இந்த திரைப்பட விழா. ஆனால், விருது அறிவிக்கப்பட்ட 25 கலைஞர்களையும் நார்வே நாட்டுக்கு அழைத்துச் சென்று விருது வழங்க வேண்டும் என்பது தான் என் ஆசை. ஆனால், அவர்களை அங்கே அழைத்து செல்வது என்பது மிகப்பெரிய பொருட்செலவு. அதனால், இந்த நிகழ்ச்சியின் மூலம் தமிழக அரசுக்கு ஒரு கோரிக்கை வைக்கிறேன், விருது அறிவிக்கப்பட்ட அனைத்து கலைஞர்களையும் நார்வே நாட்டுக்கு அழைத்துச் சென்று கெளரவிக்க வேண்டும், அதற்கு உதவி செய்ய வேண்டும் என்று கேட்டுக்கொள்கிறேன்.

இந்த ஆண்டு முதல்,  ஈழத் தமிழர்களுக்காக தொடர்ந்து குரல் கொடுத்து வந்ததோடு, தனது பிறந்தநாள் கொண்டாட்டத்தை தவிர்த்த எங்கள் புரட்சிக்கலைஞர் விஜயகாந்த் பெயரில் விருது வழங்குவதை பெருமையாக அறிவிக்கிறோம். நாங்கள் தொடர்ந்து இந்த விழாவை நடத்திக் கொண்டிருப்போம். எனக்கு பிறகு என் இடத்தில் இருந்து நார்வே தமிழ்த் திரைப்பட விழாவை நடத்துவார்கள். நிச்சயம் ஒரு நாள் ஆஸ்கார் விருதுக்கு சமமான விருதாக சர்வதேச நார்வே தமிழ்த் திரைப்பட விருது இருக்கும், என்று கூறி விடைபெறுகிறேன்.” என்றார்.