திருமணத்திற்கு பிறகு யாரும் எதிர்பாரத விதமாக வெற்றிகரமான நாயகியாக வலம் வந்து கொண்டிருக்கும் நடிகை சமந்தா அடுத்தடுத்து ரங்கஸ்தலம், இரும்புத்திரை மற்றும் நடிகையர் திலகம் படங்களின் வெற்றி மூலம் ஆண்டின் முதல் பாதியில் தன் மார்க்கெட்டை இன்னமும் உச்சத்தில் வைத்துள்ளார். இந்நிலையில் இவர் அடுத்ததாக சூப்பர் டீலக்ஸ், சீமராஜா, யு டர்ன் ஆகிய படங்களில் நடித்து வருகிறார். இதில் 'சூப்பர் டீலக்ஸ்' படத்தின் படப்பிடிப்பு தற்போது முடிந்துவிட்ட நிலையில், நடிகை சமந்தா இப்படத்தின் டப்பிங் பணியை துவங்கியதன் மூலம் ஆண்டின் இரண்டாம் பாதியை வெற்றியுடன் முடிக்க தற்போது ஆயத்தமாகியுள்ளார்.  வேம்பு என்ற கதாபாத்திரத்தில் சமந்தா நடித்திருக்கும் இப்படத்தில் ஷில்பா என்ற திருநங்கை கதாபாத்திரத்தில் விஜய் சேதுபதி நடிக்கிறார். இவர்களுடன் பகத் பாஷில், காயத்ரி சங்கர், பகவதி பெருமாள் உள்ளிட்ட பலரும் முக்கிய கதாபாத்திரத்தில் நடித்துள்ளனர். மேலும் 'ஆரண்யகாண்டம்' தியாகராஜன் குமாரராஜா இயக்கும் இப்படத்திற்கு மிஷ்கின், நலன் குமாரசாமி மற்றும் நீலன் சேகர் இணைந்து திரைக்கதை எழுதியிருக்கின்றனர். யுவன் ஷங்கர் ராஜா இசையமைக்கும் இப்படத்தை வரும் அக்டோபர் மாதம் இப்டத்தை திரைக்கு கொண்டுவர படக்குழு திட்டமிட்டுள்ளனர்.

தானா சேர்ந்த கூட்டம் படத்தை தொடர்ந்து நடிகை கீர்த்தி சுரேஷ் தற்போது நடிகை சாவித்திரியின் வாழ்க்கை படமான 'மகாநதி' படத்தில் நடித்து வருகிறார். தமிழிலும் 'நடிகையர் திலகம்' என்ற பெயரில் உருவாகும் இப்படத்தை தெலுங்கு இயக்குனர் நாக் அஸ்வின் இயக்குகிறார். இதில் சாவித்திரியாக கீர்த்தி சுரேஷும், ஜெமினி கணேசனாக துல்கர் சல்மானும் நடிக்கின்றனர். மற்றும் பத்திரிகை நிருபராக சமந்தா நடிக்கிறார். சமீபத்தில் நடிகை சமந்தா பர்ஸ்ட் லுக் போஸ்டர் வெளியாகி நல்ல வரவேற்பை பெற்றிருந்த நிலையில் தற்போது இந்த படத்தின் டீசர் தமிழ் புத்தாண்டை முன்னிட்டு நாளை ஏப்ரல் 14ஆம் தேதி  வெளியாக இருப்பதாக படக்குழுவினர் அறிவித்துள்ளனர். மேலும் இப்படத்தின் மோஷன் போஸ்டர் ஒன்றையும் படக்குழுவினர் வெளியிட்டுள்ளனர். உலகமெங்கும் மே 9ஆம் தேதி வெளியாகும் இப்படத்தில் சாவித்திரியை பிரபல நடிகையாக உயர்த்திய, பல வெற்றி படங்களுக்கு கதாசிரியராக பணியாற்றிய அலூரி சக்ரபாணி கதாபாத்திரத்தில் பிரகாஷ்ராஜ் நடிக்கிறார். மறைந்த பழம்பெரும் நடிகை பானுமதி வேடத்தில் அனுஷ்காவும், நாகேஷ்வரராவ் கதாபாத்திரத்தில் நாக சைதன்யாவும், எஸ்.வி.ரங்காராவ் வேடத்தில் மோகன்பாபுவும் நடிக்கின்றனர்.