இயக்குனர் லோகேஷ் கனகராஜ் இயக்கத்தில், நடிகர் விஜய் நடிப்பில் உருவாகியுள்ள படம் மாஸ்டர். விஜய்க்கு ஜோடியாக மாளவிகா மோகனன் நடிக்கும் இப்படத்திற்கு அனிருத் இசையமைக்கிறார். கைதி படத்தின் வெற்றியைத் தொடர்ந்து, லோகேஷ் கனகராஜ் விஜய்யுடன் இணைந்துள்ளது ரசிகர்களிடையே கூடுதல் எதிர்பார்ப்பை ஏற்படுத்தியுள்ளது. இப்படத்தின் பணிகள் முன்னரே நிறைவடைந்துவிட்டாலும், கரோனா நெருக்கடி காரணமாகத் திட்டமிட்டபடி படத்தை வெளியிடுவதில் சிக்கல் ஏற்பட்டது. இந்த நிலையில், தியேட்டர்கள் திறப்பதற்கு அரசு அனுமதியளித்ததையடுத்து, படத்தைத் திரைக்குக் கொண்டு வரும் பணிகளில் படக்குழு முனைப்பு காட்டி வருகிறது.
இந்த நிலையில், படம் ரிலீஸ் தேதி தொடர்பான அப்டேட்டை படக்குழு வெளியிட்டுள்ளது. அதன்படி, மாஸ்டர் திரைப்படமானது பொங்கல் தினத்தையொட்டி வரும் ஜனவரி மாதம் 13-ம் தேதி பிரம்மாண்டமாக ரிலீஸ் ஆகவுள்ளது. இத்தகவலை அறிந்து உற்சாகமான விஜய் ரசிகர்கள், தங்களது மகிழ்ச்சியை சமூக வலைதளங்களில் வெளிப்படுத்தி வருகின்றனர்.
Aana aavanna apna time na
— XB Film Creators (@XBFilmCreators) December 29, 2020
Vanganna vanakkamna
Ini #VaathiRaid na! ?#Vaathicoming to theatres near you on January 13. #Master #மாஸ்டர்#మాస్టర్#VijayTheMaster #MasterPongal #MasterOnJan13th pic.twitter.com/RfBqIhT95U
