2020ஆம் ஆண்டு இந்தியாவில் அதிகமாக ரீ-ட்வீட் செய்யப்பட்ட பதிவுகள், ஹேஸ்டேக்குகள் குறித்த பதிவுகளை ட்விட்டர் இந்தியா வெளியிட்டு வருகிறது. அதில் அதிகமாக ரீ-ட்வீட் செய்யப்பட்ட பதிவாக விஜய் நெய்வேலியில் தனது ரசிகர்களுடன் எடுத்த செல்ஃபி உள்ளது. அதேபோல கர்ப்பமாக இருக்கும் அனுஷ்காவுடன் விராட் கோலி இருக்கும் புகைப்படம் அதிக லைக்குகள் பெற்ற இந்திய ட்விட்டர் புகைப்படமாக பதிவாகி உள்ளது.
இந்நிலையில் இந்த ஆண்டின் அதிகமாகப் பதிவிடப்பட்ட திரைப்படங்களின் ஹேஸ்டேகுகள் குறித்து, ட்விட்டர் இந்தியா தற்போது தகவல் வெளியிட்டுள்ளது.
அதில், விஜய் நடித்து அடுத்த வருடம் வெளியாக உள்ள மாஸ்டர் திரைப்படம் முதலிடத்திலும், பவன் கல்யாண் நடித்து வெளியாக இருக்கும் வக்கீல் சாப் இரண்டாவது இடத்திலும் உள்ளது. அதற்கு அடுத்தடுத்த இடங்களில் அஜித்தின் வலிமை, மகேஷ் பாபுவின் சர்காரு வாரிபாட்டா, சூர்யாவின் சூரரைப்போற்று பட ஹேஸ்டேகுகள் இடம்பிடித்துள்ளன.
இதன் காரணமாக இப்படங்களின் பெயர்களை ரசிகர்கள் போட்டாபோட்டியுடன் மீண்டும் ட்விட்டரில் ட்ரெண்ட் செய்து வருகின்றனர்.
