Published on 19/09/2018 | Edited on 19/09/2018
'நடிகையர் திலகம்' மாபெரும் வெற்றிக்கு பிறகு நடிகை கீர்த்தி சுரேஷ் நடிப்பில் அடுத்ததாக 'சாமி ஸ்கொயர்' படம் வரும் வெள்ளியன்று வெளியாகவுள்ளது. இதைதொடர்ந்து அவர் சண்டக்கோழி 2, சர்கார் மற்றும் என்.டி.ஆர் வாழ்க்கை வரலாற்று படங்களில் தற்போது நடித்து வருகிறார். இந்நிலையில் கீர்த்தி சுரேஷ் அடுத்ததாக சசிகுமாருக்கு ஜோடியாக நடிக்க ஒப்பந்தம் ஆகியுள்ளார். சுந்தர பாண்டியன், இது கதிர்வேலன் காதல்’ மற்றும் சத்ரியன் ஆகிய படங்களை இயக்கிய எஸ்.ஆர்.பிரபாகரன் இயக்கத்தில் உருவாகும் இப்படத்தில் பிக் பாஸ் ஆரவ், சூரி, யோகிபாபு ஆகியோர் முக்கியக் கதாபாத்திரங்களில் நடிக்க இருக்கின்றனர். ‘கொம்பு வச்ச சிங்கம்’ எனத் தலைப்பு வைக்கப்பட்டுள்ள இப்படத்தின் படப்பிடிப்பு காரைக்குடி மற்றும் பொள்ளாச்சிப் பகுதிகளில் விரைவில் ஆரம்பிக்கவுள்ளது.
