பி.வாசு இயக்கத்தில் ராகவா லாரன்ஸ் நடிப்பில் உருவாகி வருகிறது 'சந்திரமுகி 2' படம். இப்படத்தின் முக்கியக் கதாபாத்திரத்தில் பிரபல இந்தி நடிகை கங்கனா ரணாவத், வடிவேலு மற்றும் ராதிகா நடிக்கிறார்கள். லைகா நிறுவனம் தயாரிக்கும் இப்படத்திற்கு எம்.எம். கீரவாணி இசையமைக்கிறார். இப்படத்தின் படப்பிடிப்பு ஹைதராபாத், மும்பை உள்ளிட்ட பல்வேறு பகுதிகளில் நடந்துள்ளதாகக் கூறப்படுகிறது.
அண்மையில் இப்படத்தின் படப்பிடிப்பு முழுவதும் நிறைவடைந்துள்ளது. இந்நிலையில் இப்படத்தின் ரிலீஸ் குறித்த அறிவிப்பு தற்போது வெளியாகியுள்ளது. அதன்படி தமிழ், இந்தி, தெலுங்கு, மலையாளம் மற்றும் கன்னடத்தில் வருகிற விநாயகர் சதுர்த்தியை முன்னிட்டு வெளியாகும் என படக்குழு அறிவித்துள்ளது. மேலும் இது தொடர்பான புதிய போஸ்டரையும் சமூக வலைதளத்தில் பகிர்ந்துள்ளது.
முதல் பாகம் வசூல் ரீதியாகவும் விமர்சன ரீதியாகவும் பெரும் வரவேற்பைப் பெற்றதால் இப்படத்திற்கு எதிர்பார்ப்பு அதிகரித்துள்ளது.
We are thrilled to announce that the doors to the much awaited sequel Chandramukhi 2 🗝️ will be open from Ganesh Chaturthi 🤗✨
Releasing in Tamil, Hindi, Telugu, Malayalam & Kannada!
#Chandramukhi2 🗝️ pic.twitter.com/hoM7BXxWp2— Raghava Lawrence (@offl_Lawrence) June 29, 2023
