நடிகர்கள் அமீர் கான், கத்ரீனா கைப் இணைந்து நடிக்கும் தக்ஸ் ஆஃப் ஹந்தோஸ்தான் படத்தின் படப்பிடிப்பு ராஜஸ்தான் மாநிலம் ஜெய்ப்பூரில் நடந்து வருகிறது. இதில் முக்கிய கதாபாத்திரத்தில் அமிதாப் பச்சன் நடித்து வருகிறார். படப்பிடிப்பு விரைவாக நடைபெறுவதால் சில மாதங்களாக ஓய்வின்றி தொடர்ந்து இரவில் தூக்கமில்லாமல் கலந்து கொண்டு வருகிறார் அமிதாப். இந்நிலையில் அவர் ஒரு போர்க்கள காட்சியில் நடித்து கொண்டிருக்கும்போது தனது வலது தோள்பட்டை கடுமையாக வலிப்பதாக கூறி மயங்கினார். இதையடுத்து உடனடியாக அவர் தங்கி இருந்த ஓட்டலுக்கு அமிதாப் அழைத்து செல்லப்பட்டார். அங்கு அவருக்கு மும்பையில் இருந்து சிறப்பு மருத்துவர்கள் ஜெய்ப்பூருக்கு விரைந்து சிகிச்சை அளித்தனர். இதையடுத்து, தோள்பட்டை வலியில் இருந்து அமிதாப்பச்சன் விடுபட்டார். பின்னர் அவரது உடல்நிலை, மருத்துவ ரீதியாக தகுதியாக இருப்பதாக டாக்டர்கள் அறிவித்தனர். மேலும் உடல்நிலை முன்னேறி வந்தாலும், அமிதாப் பச்சன் முறையாக ஓய்வு எடுக்க வேண்டும் என்றும் டாக்டர்கள் அறிவுறுத்தி இருக்கின்றனர். இதனால் அவரால் தொடர்ந்து படப்பிடிப்பில் கலந்துகொள்ள இயலவில்லை.
உடல் நிலை தேறிவருகிறார் அமிதாப்பச்சன்
சார்ந்த செய்திகள்
Next Story
ஒரே நாளில் வசூல் சாதனை நிகழ்த்திய அமீர்கான் படம்
அமீர்கான் நடிப்பில் நேற்று வெளிவந்த 'தக்ஸ் ஆப் ஹிந்துஸ்தான்' படம் ரசிகர்களிடையே கலவையான விமர்சனங்களை பெற்றுவரும் நிலையில் இப்படம் இந்தியாவில் மட்டுமே முதல் நாள் ரூ 60 கோடி வரை வசூல் செய்து சாதனை படைத்துள்ளது. வரலாற்று படமாக உருவாகியுள்ள இப்படத்தில் அமிதாபச்சன், காத்ரினா கைப், பாத்திமா சனா ஷேய்க் ஆகியோர் முக்கிய கதாபாத்திரத்தில் நடித்துள்ளனர். மேலும் அமீர்கான் நடிப்பில் வெளியான 'தங்கல்' படம் ரூ 2000 கோடி வரை வசூல் செய்து சாதனை படைத்தது என்பது குறிப்பிடத்தக்கது.
Next Story
அமிதாப்பச்சனுக்காக நடிப்பை விட்டுக்கொடுத்த பிரபுதேவா
விஜய்சேதுபதி, அதர்வாவுக்கு பிறகு தமிழ் சினிமாவில் பிசி நாயகனாக வலம் வந்துகொண்டிருக்கிறார் நடிகர் பிரபுதேவா. தற்போது யங் மங் சங், சார்லி சாப்ளின் 2, பொன் மாணிக்கவேல், தேவி 2 ஆகிய படங்களில் நடித்து கொண்டிருக்கும் அவர் சமீபகாலமாக நடனம் மற்றும் இயக்கத்தில் இருந்து ஒதுங்கி நடிப்பில் மட்டும் கவனம் செலுத்தி வருகிறார். இந்நிலையில் நடிகர் பிரபுதேவா, அமிதாப் பச்சன், அமீர்கான் இணைந்து நடிக்கும் 'தக்ஸ் ஆப் இந்தோஸ்தான்' படத்தில் இடம்பெறும் ஒரு பாடலுக்காக நடனம் அமைத்து கொடுத்துள்ளார். அமிதாப்பும், அமீர்கானும் இணைந்து ஆடும் 'வாஷ் மாலே' எனத் தொடங்கும் இந்த பாடலின் தமிழ் பதிப்பை மதன் கார்க்கி எழுதியுள்ளார். இந்த பாடலுக்கு இப்போதே எதிர்பார்ப்பு ஏற்பட்டுள்ள நிலையில் 'தக்ஸ் ஆப் இந்தோஸ்தான்' படம் வரும் நவம்பர் 8ஆம் தேதி தீபாவளியை முன்னிட்டு தமிழ், இந்தி, தெலுங்கு ஆகிய மொழிகளில் பிரமாண்டமாக வெளியாகவுள்ளது.