சாரண- சாரணிய தேர்தலில் வெற்றி பெற்ற மணிக்கு: மு.க. ஸ்டாலின் வாழ்த்து

Published on 17/09/2017 | Edited on 17/09/2017

சாரண- சாரணிய தேர்தலில் வெற்றி பெற்ற மணிக்கு: மு.க. ஸ்டாலின் வாழ்த்து

தமிழ்நாடு சாரணர்- சாரணியர் இயக்க தலைவர், 3 துணை தலைவர்கள், மாவட்ட ஆணையர், லீடர், ட்ரெய்னர் ஆகிய பொறுப்புகளுக்கு நேற்று தேர்தல் நடந்தது. சென்னை மெரினா கடற்கரை சாலையில் உள்ள சாரண- சாரணியர் இயக்க தலைமை அலுவலகத்தில் நடந்த இந்த தேர்தலில் தலைவர் பதவிக்கு போட்டியிட்ட முன்னாள் பள்ளிக்கல்வி இயக்குனர் ப.மணி 234 வாக்குகள் பெற்று வெற்றி பெற்றார்.

தேசிய தலைமை அலுவலக உத்தரவையும் மீறி சாரண, சாரணியர் இயக்க தேர்தல் நடைபெற்றதாகவும், நேற்று நடந்த தேர்தல் செல்லாது என்றும் எச்.ராஜா குற்றம்சாட்டியுள்ளார். இந்நிலையில், தலைவர் பதவிக்கு தேர்ந்தெடுக்கப்பட்ட மணிக்கு தி.மு.க. செயல்தலைவர் மு.க.ஸ்டாலின் வாழ்த்து தெரிவித்துள்ளார்.