26 ஒலிம்பிக் வீரர், வீராங்கனைகள் கலந்து கொள்ளும் பி.பி.எல் போட்டி: விஜயகாந்த் மகன் பேட்டி

Published on 09/12/2017 | Edited on 09/12/2017

26 ஒலிம்பிக் வீரர், வீராங்கனைகள் கலந்து கொள்ளும்

பி.பி.எல் போட்டி: விஜயகாந்த் மகன் பேட்டி

கடந்த ஆண்டை போல இந்த ஆண்டும் பேட்மிட்டன் பிரிமியர் லீக் போட்டியில் சென்னை ஸ்மேஷர்ஸ் அணி வெற்றி பெரும் என அந்த அணியின் உரிமையாளரும் , விஜயகாந்தின் மகனுமான விஜய் பிரபாகர் தெரிவித்தார். கோவையில் செய்தியாளர்களை சந்தித்த அவர் இதனைத் தெரிவித்தார்.

அவர் மேலும், பேட்மிட்டன் பிரிமியர் லீக் போட்டி வருகிற டிசம்பர் 23 ஆம் தேதி முதல் ஜனவரி 14 ஆம் தேதி வரை பல்வேறு மாநிலங்களில் நடைபெற உள்ளது. கடந்த ஆண்டு நடைபெற்ற பி.பி.எல் போட்டியில் சென்னை ஸ்மேஷர்ஸ் அணி வெற்றி பெற்று இருந்த சூழலில் இந்த ஆண்டும் சென்னை அணி வெற்றி பெரும் என அந்த அணியின் உரிமையாளர் விஜய் பிரபாகர் தெரிவித்து உள்ளார்.

இந்த பி.பி.எல் போட்டியில் பி.வி.சிந்து, சாய்னா நேவால் உள்ளிட்டோர் எப்பொழுதும் பங்குபெற்று வருவதால் தமிழகத்தை சேர்ந்த வளர்ந்து வரும் வீரர், வீராங்கனைகளும் பங்குபெற வேண்டும் என்ற முயற்சியில் இது குறித்து விழிப்புணர்வை ஏற்படுத்த திட்டமிட்டு உள்ளதாகவும், அதன்படி கோவை மற்றும் சென்னையில் இந்த போட்டி குறித்து விழிப்புணர்வு ஏற்படுத்த உள்ளதாக விஜய் பிரபாகர் தெரிவித்தார். இந்த பி.பி.எல் போட்டியில் 26 ஒலிம்பிக் வீரர், வீராங்கனைகள் கலந்து கொள்ள உள்ளதாக தெரிவித்தார்.

- அருள்