‘மாஸ்டர்’ படத்தின் வெற்றிதந்த உற்சாகத்தில் உள்ள நடிகர் விஜய், அடுத்ததாக இயக்குநர் நெல்சன் திலீப்குமார் இயக்கும் படத்தில் நடிக்கவுள்ளார். இப்படத்தில் விஜய்க்கு ஜோடியாக பூஜா ஹெக்டே நடிக்கவுள்ளார். தற்காலிகமாக 'தளபதி 65' எனப் பெயரிடப்பட்டுள்ள இப்படத்தை, சன் பிக்சர்ஸ் நிறுவனம் தயாரிக்கிறது. விரைவில் படப்பிடிப்பைத் தொடங்க திட்டமிட்டுள்ள படக்குழு, படத்திற்கான முதற்கட்டப் பணிகளில் கவனம் செலுத்தி வருகிறது.
இந்த நிலையில், படத்திற்கான பூஜை நிகழ்வு இன்று (31.03.2021) சென்னையில் நடைபெற்றது. நடிகர் விஜய், இயக்குநர் நெல்சன் திலீப்குமார் உள்ளிட்ட படக்குழுவினர் பலரும் இந்நிகழ்வில் கலந்துகொண்டனர். பூஜை நடைபெற்ற சன் ஸ்டூடியோ வளாகத்தினுள் எடுக்கப்பட்ட சில புகைப்படங்கள் தற்போது இணையத்தில் வைரலாகி வருகின்றன. நிகழ்வின்போது ஒட்டுமொத்த படக்குழுவினரும் இணைந்து எடுத்துக்கொண்ட புகைப்படங்கள், படக்குழு தரப்பிலிருந்து அதிகாரப்பூர்வமாக விரைவில் வெளியிடப்படும் என எதிர்பார்க்கப்படுகிறது.
