வெற்றிமாறன் இயக்கத்தில் தனுஷ் - வெற்றிமாறன் கூட்டணியில் உருவான 'அசுரன்' படம் சமீபத்தில் வெளியாகி மாபெரும் வெற்றிபெற்றது. தனுஷுடன் மஞ்சு வாரியார், பிரகாஷ்ராஜ், பசுபதி ஆகியோர் முக்கிய கதாபாத்திரத்தில் நடித்த இப்படம் 100 கோடிக்கு மேல் வசூல் செய்து பிரமிக்கவைத்தது.
மேலும் படத்தை பார்த்த பல்வேறு திரை பிரபலங்கள் பாராட்டி வரும் நிலையில் 'அசுரன்' படம் தெலுங்கில் ரீமேக் ஆகிறது. இதில் தனுஷ் கதாபாத்திரத்தில் வெங்கடேஷ் நடிக்கிறார். மஞ்சுவாரியர் கதாபாத்திரத்தில் நடிக்க கதாநாயகி தேர்வு நடந்து வரும் நிலையில் நடிகை ஸ்ரேயா நாயகியாக நடிக்க தேர்வு செய்யப்பட்டுள்ளதாக தகவல் வெளியாகியுள்ளது. திருமணத்திற்கு பிறகு சினிமாவிலிருந்து சற்று ஒதுங்கி இருந்த ஸ்ரேயா இப்படம் மூலம் மீண்டும் சினிமாவிற்குள் ரீஎண்ட்ரி கொடுக்கிறார். இதுகுறித்து அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது.
